មនុស្សម្នាក់របួសធ្ងន់និងម៉ូតូខូចមួយកំណាត់មុខខណៈជិះម៉ូតូប្រើល្បឿនទៅបុកត្រាក់ទ័រច្រាស់ទិស
16-January-2018 | ដោយ ពលមនសិការ
ពោធិ៍សាត់ ៖ មនុស្ស១នាក់បានរបួសធ្ងន់ត្រូវសង្គ្រោះទៅកាន់មណ្ឌលសុខភាពជាបន្ទាន់ខណៈជិះម៉ូតូទៅបុកត្រាក់ទ័របញ្ច្រាសទិសនៅលើផ្លូវជាតិលេខ៥ កាលពីថ្ងៃទី១៥ ខែមករា ឆ្នាំ២០១៨ វេលាម៉ោង២០និង៣០នាទី នៅលើផ្លូវជាតិលេខ៥ ចន្លោះគីឡូម៉ែត្រលេខ១៤៥និង១៤៦ ស្ថិតនៅភូមិត្រពាំងរំដេញ ឃុំក្បាលត្រាច ស្រុកក្រគរ ខេត្តពោធិសាត់ ។
បើតាមមន្ត្រីនគរបាលចរាចរណ៍ផ្លូវគោកនៃអធិការដ្ឋាននគរបាលស្រុកក្រគរឲ្យដឹងថា អ្នកម៉ូតូបានធ្វើដំណើរពីលិចទៅកើត ដោយល្បឿនលឿន ពេលមកដល់កន្លែងកើតហេតុ ទំនងជាបាត់ម្ចាស់ការ បានវេចង្កូតម៉ូតូទីបុកជាមួយត្រាក់ទ័រច្រាស់ទិសក្នុងដំណើរពីកើតទៅលិច បណ្ដាលឲ្យម៉ូតូម៉ាក( វ៉េវ ) ពណ៌ខ្មៅ ពាក់ស្លាកលេខ ភ្នំពេញ 1FQ-2699 ខូចមួយកំណាត់ខាងមុខ។ ហើយអ្នកបើកបរដែលគេស្គាល់ឈ្មោះ លឹម លន ភេទប្រុស អាយុ៥០ឆ្នាំ ជាតិខ្មែរ រស់នៅភូមិត្រពាំងរំដេញ ឃុំក្បាលត្រាច ស្រុកក្រគរ ខេត្តពោធិសាត់ ( រងរបួសធ្ងន់ ) ត្រូបបានបញ្ជូនទៅមន្ទីរពេទ្យបង្អែកស្រុកក្រគរ ដើម្បីសង្គ្រោះបន្ទាន់។
មន្ត្រីដដែលបន្តថា ចំពោះអ្នកបើកបរត្រាក់ទ័រដែលគេស្គាល់ឈ្មោះ ជន សារ៉េន ភេទប្រុស អាយុ ២៧ឆ្នាំជាតិខ្មែរ រស់នៅភូមិរលាប ឃុំរលាប ស្រុកសំពៅមាស ខេត្តពោធិសាត់ ( ពុំមានរងរបួសទេ) ។
ក្រោយពេលកើតហេតុនគរបាលចរាចរណ៍បានប្រមូលវត្ថុតាងនៅនិងកន្លែងកើតហេតុទាំងម៉ូតូ និងត្រាក់ទ័រយកទៅរក្សាទុកបណ្ដោះអាសន្ននៅអធិការថដ្ឋានស្រុកក្រគរបន្ទាប់ពីវាស់វែងរួច ៕
ចំនួនអ្នកទស្សនា
- ថ្ងៃនេះ2151
- ម្សិលមិញ5781
- សប្តាហ៍នេះ7941
- ខែនេះ202541
- ឆ្នាំនេះ202541
- សរុប20644997