ជនសង្ស័យ៦នាក់ត្រូវនគរបាលឃាត់ខ្លួនពាក់ព័ន្ធករណីហិង្សា
17-January-2018 | ដោយ ពលមនសិការ
ភ្នំពេញ ៖ ជនសង្ស័យ២ក្រុមមានគ្នា ៦នាក់ត្រូវនគរបាលប៉ុស្តិ៍រដ្ឋបាលគោកឃ្លាង ឃាត់ខ្លួនពាក់ព័ន្ធករណីហិង្សាដោយចេនា។ ហេតុការណ៍ខាងលើបានកើតឡើងការពីថ្ងៃទី១៦ ខែមករា ឆ្នាំ២០១៨ វេលាម៉ោង១៧និង៣០នាទី នៅចំណុចផ្លូវបេតុង ភូមិក្រុងថ្មី សង្កាត់គោកឃ្លាង ខណ្ឌសែនសុខ។
លោកវរសេនីយ៍ទោ ហួរ ម៉េងវ៉ាង អធិការខណ្ឌបានឲ្យដឹងថាជនសង្ស័យភាគីទី១ ចំនួន០៣នាក់រួមមានៈ ទី១-ឈ្មោះ លីង ញិ ភេទប្រុស អាយុ២៤ឆ្នាំ មុខរបរបាញ់ថ្នាំឡាន ស្នាក់នៅសង្កាត់ច្រាំងចំរេះ២ ខណ្ឌឫស្សីកែវ (មានសារធាតុញៀន) ទី២-ឈ្មោះ ហេង លីណា ភេទប្រុស អាយុ២៣ឆ្នាំ មុខរបរបាញ់ថ្នាំឡាន ស្នាក់នៅសង្កាត់ច្រាំងចំរេះ២ ខណ្ឌឫស្សីកែវ ទី៣-ឈ្មោះ សឿន សុខអែម ភេទប្រុស អាយុ១៨ឆ្នាំ មុខរបរបាញ់ថ្នាំឡាន ស្នាក់នៅសង្កាត់ច្រាំងចំរេះ២ ខណ្ឌឬស្សីកែវ(មានសារធាតុញៀន) ។
ភាគីទី២ ចំនួន០៣នាក់រួមមានៈ ទី១-ឈ្មោះ គីម តឿ ភេទប្រុស អាយុ២១ឆ្នាំ មុខរបរបាញ់ថ្នាំឡាន ស្នាក់នៅសង្កាត់ច្រាំងចំរេះ២ ខណ្ឌឫស្សីកែវ ទី២-ឈ្មោះ រស់ លីហាង ភេទប្រុស អាយុ១៨ឆ្នាំ មុខរបរបាញ់ថ្នាំឡាន ស្នាក់នៅសង្កាត់ច្រាំងចំរេះ២ ខណ្ឌឫស្សីកែវ ទី៣-ឈ្មោះ ឆេង ហៀង ភេទប្រុស អាយុ១៨ឆ្នាំ មុខរបរបាញ់ថ្នាំឡាន ស្នាក់នៅសង្កាត់ច្រាំងចំរេះ២ ខណ្ឌឫស្សីកែវ។
សម្ភារៈដកហូត ៖ ម៉ូតូចំនួន០២គ្រឿង (ម៉ាកសេ១២៥ ពណ៌ខ្មៅ ផលិតឆ្នាំ២០១៥ ពាក់ស្លាកលេខភ្នំពេញ1FG-3860 និងម៉ូតូម៉ាកវ៉េវ ពណ៌ក្រហម សេរីចាស់ ពាក់ស្លាកលេខភ្នំពេញ1AD-4516។
លោកអធិការបន្តថា មុនពេលកើតហេតុ កម្លាំងល្បាតប៉ុស្តិ៍គោកឃ្លាង បានធ្វើការល្បាតក្នុងភូមិសាស្ត្រ ដល់ចំណុចកើតហេតុខាងលើ ឃើញជនសង្ស័យចំនួន០២ក្រុម មានគ្នាចំនួន០៦នាក់ កំពុងវាយតប់គ្នាទៅវិញទៅមក ភ្លាមនោះកម្លាំងប៉ុស្តិ៍គោកឃ្លាង បានធ្វើការឃាត់ខ្លួនជនសង្ស័យទាំង០៦នាក់ យកមកធ្វើការសាកសួរ នៅអធិការដ្ឋាននគរបាលខណ្ឌសែនសុខ។ បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ2231
- ម្សិលមិញ5781
- សប្តាហ៍នេះ8021
- ខែនេះ202621
- ឆ្នាំនេះ202621
- សរុប20645077