កម្លាំងនគរបាលផ្នែកគ្រឿងញៀនស្រុកឧដ្ដុង្គ ឃាត់ខ្លួនជនសង្ស័យ ៣នាក់
19-January-2018 | ដោយ ពលមនសិការ
កំពង់ស្ពឺ ៖ កម្លាំងនគរបាលផ្នែកគ្រឿងញៀនស្រុកឧដ្ដុង្គចុះបង្ក្រាបមុខសញ្ញាជាអ្នកជួញដូរចែកចាយគ្រឿងញៀនខុស ច្បាប់ ឃាត់មនុស្សចំនួន៣នាក់ ដកហូតថ្នាំញៀនបានមួយ ចំនួន សម្ភារៈវត្ថុតាងជញ្ជីងថ្លឹង កាលពីថ្ងៃទី១៧ ខែមករា ឆ្នាំ២០១៨ វេលាម៉ោង ១៤និង៣០នាទី។
ក្រោយពីមានការរាយការណ៍ពីប្រជាពលរដ្ឋ ថានៅចំណុចព្រៃខាងលិចទំនប់អូស្នោ ស្ថិតក្នុងភូមិត្រពាំងសង្កែ ឃុំក្រាំងចេក ស្រុកឧដុង្គ ថាមានការជួញដូរគ្រឿង ញៀនក្នុងព្រៃ កំលាំងនគរបាលស្រុកឧដុង្គ បានចុះស្រាវ ជ្រាវនិងធ្វើការឃាត់ខ្លួនមុខញ្ញា ៣នាក់ ទី១-ឈ្មោះ លីម សុងលី ភេទប្រុស អាយុ ២៩ឆ្នាំ រស់នៅភូមិឃុំខាងលើ ទី២-ឈ្មោះ មឹង វិចិត្រ ភេទប្រុស អាយុ ១៩ឆ្នាំ និងទី៣-ឈ្មោះ ឆោម មករា ភេទស្រី អាយុ២០ នៅភូមិភ្នំទទឹង ឃុំជើងរាស ស្រុកឧដុង្គ គេបោះទីតាំងជាខ្ទមក្នុងព្រៃសំរាប់ធ្វើការជួញ ដូរគ្រឿងញៀន សមត្ថកិច្ចបានឃាត់ឆែកឆេរជាក់ស្ដែងក្នុងខ្ទមនោះរកឃើញ ម្សៅក្រាមព៌ណស សង្ស័យថាជា គ្រឿងញៀនចំនួន ៩ កញ្ចប់ ២កញ្ចប់តូច៧កញ្ចប់ធំ ទូរស័ព្ទ ចាស់ ០១គ្រឿង។
តាមចម្លើយសារភាពរបស់ឈ្មោះ ឆោម មករា ថាថ្នាំញៀននៅសល់លើផ្ទះរបស់គេមានគ្រឿង ញៀនខ្លះទៀត យើងបន្ដធ្វើការឆែកឆេរលំនៅដ្ឋានខាង លើ រកឃើញម្សៅក្រាមព៌ណសសង្ស័យថាជាគ្រឿង ញៀនចំនួន ០៨កញ្ចប់ធំថែមទៀត សរុបដកហូតបានម្សៅក្រាមព៌ណសសង្ស័យថាជាគ្រឿងញៀនចំនួន ១៧កញ្ចប់ (២តូច១៥ធំ) មុខសញ្ញា ៣នាក់ស្រី០១នាក់ ទូរសព្ទ័ចាស់ ៗ ០១គ្រឿងករណីខាងលើជំនាញកំពុងកសាងសំណុំរឿងដើម្បីចាត់ ការតាមនិតិវិធី ៕
ចំនួនអ្នកទស្សនា
- ថ្ងៃនេះ1931
- ម្សិលមិញ12921
- សប្តាហ៍នេះ1931
- ខែនេះ196531
- ឆ្នាំនេះ196531
- សរុប20638987