កម្លាំងនគរបាលប៉ុស្តិ៍កាកាបទី២ឃាត់ខ្លួនជនសង្ស័យ២នាក់ ប្រើប្រាស់គ្រឿងញៀន
19-January-2018 | ដោយ ពលមនសិការ
ភ្នំពេញ ៖ កម្លាំងនគរបាលប៉ុស្តិ៍កាកាបទី២ សហការជាមួយប្រជាការពារ បានឃាត់ខ្លួនជនសង្ស័យ៤នាក់ពាក់ព័ន្ធករណីប្រើប្រាស់សារធាតុញៀនខុសច្បាប់។ ហេតុការណ៍ចាប់ខ្លួនជនសង្ស័យខាងលើកាលពីថ្ងៃទី១៨ ខែមករា ឆ្នាំ២០១៨ វេលាម៉ោង១និង៣០នាទី នៅចំណុចផ្លូវបេតុង ភូមិក្បាលកាកាប សង្កាត់កាកាបទី២ ខណ្ឌពោធិ៍សែនជ័យ។
លោកវរសេនីយ៍ឯក យឹម សារ៉ាន់ អធិការខណ្ឌបានឲ្យដឹងថាមុនពេលកើតឃាត់ខ្លួនជនសង្ស័យខាងលើកម្លាំងនគរបាលប៉ុស្តិ៍កាកាបទី២ សហការជាមួយប្រជាការពារ បានចេញល្បាតក្នុងមូលដ្ឋាន ប្រទះឃើញជនសង្ស័យចំនួន៤នាក់កំពុងដើរនៅតាមផ្លូវក៏បានធ្វើការត្រួតពិនិត្យនិងឆែកឆេរលើខ្លួនជនសង្ស័យ ពុំមានអ្វីនោះទេ ក្រោយមកសមត្ថកិច្ចយើងបាននាំខ្លួនជនសង្ស័យទាំង៤នាក់មកប៉ុស្តិ៍សួរនាំតាមនិតិវីធី។
លោកអធិការបន្តថាជនសង្ស័យទី១-ឈ្មោះ ម៉ុន សុខសាន ហៅជាងតោន ភេទប្រុស អាយុ២៥ឆ្នាំ មុខរបរមិនពិត ស្នាក់នៅបន្ទប់ជួលភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ ទី២- ឈ្មោះ ឈឹម រតនា ភេទប្រុស អាយុ២៩ឆ្នាំ មុខរបរកម្មកររោងចក្រ ស្នាក់នៅបន្ទប់ជួលក្រុមទី៨ ភូមិចំការឪឡឹក២ សង្កាត់កាកាប២ ខណ្ឌពោធិ៍សែនជ័យ ទី៣-ឈ្មោះ រ៉ា នី អាយុ១៨ឆ្នាំ មុខរបរកម្មកររោងចក្រ ស្នាក់នៅបន្ទប់ជួលក្រុមទី៨ ភូមិចំការឪឡឹក២ សង្កាត់កាកាប២ ខណ្ឌពោធិ៍សែនជ័យ និងទី៤-ឈ្មោះ អឿង បូរ៉ា ភេទប្រុសអាយុ១៨ឆ្នាំ មុខរបរ ដើរតុការ ស្នាក់នៅបន្ទប់ជួល ភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ ។ ក្រោយពីសមត្ថកិច្ចយើងសួរនាំ និងធ្វើសេត្តទឹកនោមរកសារធាតុញៀនឃើញលទ្ធផល «វិជ្ជមាន»ពិតប្រាកដមែន។
បច្ចុប្បន្នជនសង្ស័យ ត្រូវបានកសាងសំណុំរឿងបញ្ជូនទៅឲ្យផ្នែកជំនាញប្រឆាំងគ្រឿងញៀនខណ្ឌ ដើម្បីអនុវត្តបន្តតាមនិតិវិធីច្បាប់ ៕
ចំនួនអ្នកទស្សនា
- ថ្ងៃនេះ2011
- ម្សិលមិញ12921
- សប្តាហ៍នេះ2011
- ខែនេះ196611
- ឆ្នាំនេះ196611
- សរុប20639067