នគរបាលឃាត់ខ្លួនជនសង្ស័យ២នាក់ បង្កហិង្សាដោយចេតនា
19-January-2018 | ដោយ ពលមនសិការ
ភ្នំពេញ ៖ កម្លាំងនគរបាលព្រហ្មទណ្ឌកម្រិតស្រាល បានឃាត់ខ្លួនជនសង្ស័យ ២នាក់ពាក់ព័ន្ធករណីហិង្សាដោយចេតនាចេតនា មានស្ថានទម្ងន់ទោស(ប្រើដាវកែច្នៃកាប់ បណ្តាលឲ្យជនរងគ្រោះរងរបួសក្បាលដេរចំនួន៥ថ្នេរ )។ កម្លាំងជំនាញបានឃាត់ខ្លួនជនសង្ស័យកាលពីថ្ងៃទី១៨ ខែមករា ឆ្នាំ២០១៨ វេលាម៉ោង០២និង៣០នាទី នៅចំណុចក្រោយផ្សារជិនជូរី ផ្លូវ២០០៤ សង្កាត់កាកាប១ ខណ្ឌពោធិសែនជ័យ រាជធានីភ្នំពេញ។
លោកវរសេនីយ៍ឯក ប៊ុន សត្យា នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញបានឲ្យដឹងថាជនសង្ស័យទី១-ឈ្មោះ ហេង ប៊ុនណា ភេទប្រុស ១៨ ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះមិនចាំលេខ ផ្លូវលេខ៦A ភូមិព្រែកអញ្ចាញ ឃុំព្រែកអញ្ចាញ ស្រុក មខកំពូល ខេត្តកណ្តាល អ្នកបើកម៉ូតូឌុបជនដៃដល់ ទី២-ឈ្មោះ សំណាង ម៉ូរ៉ាឌីណុល ភេទប្រុស ១៨ ឆ្នាំ ជនជាតិ ខ្មែរ មុខរបរ រត់តុនៅភោជនីយដ្ឋានង៉ន សង្កាត់ទន្លេបាសាក់ ខណ្ឌចំការមន ស្នាក់នៅផ្ទះមិនចាំលេខ ផ្លូវលំ ភូមិតាងួន សង្កាត់កាកាប១ ខណ្ឌពោធិសែនជ័យ ជនដៃដល់(អ្នកកាន់ដាវកាប់លើជនរងគ្រោះ)។
វត្ថុតាងចាប់យកៈ ម៉ូតូម៉ាកហុងដា សេ១១០ ពណ៌ខ្មៅ សេរីឆ្នាំ ២០១២ លេខតួ-លេខម៉ាស៊ីន ៨០១៨៥០២ ពាក់ស្លាកលេខភ្នំពេញ ១BW-០៧៩៣, ដាវកែច្នៃ ធ្វើពីដែក ប្រវែង ០៥,២៤ ម៉ែត្រ។
ជនរងគ្រោះ ឈ្មោះ ផល សុធា ភេទ ប្រុស អាយុ ២៤ ឆ្នាំ ជនជាតិខ្មែរ មុខរបរ កម្មកររោងចក្រ ស្នាក់នៅផ្ទះជួល ភូមិព្រៃព្រីងខាងត្បូង សង្កាត់ចោមចៅ៣ ខណ្ជពោធិសែនជ័យ រងរបួសក្បាល ដេរចំនួន ៥ ថ្នេរ។
បច្ចុប្បន្នជនសង្ស័យខាងលើ កំពុងឃាត់ខ្លួននៅការិយាល័យរៀបចំសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការតាម និតិវិធី ៕
ចំនួនអ្នកទស្សនា
- ថ្ងៃនេះ2001
- ម្សិលមិញ12921
- សប្តាហ៍នេះ2001
- ខែនេះ196601
- ឆ្នាំនេះ196601
- សរុប20639057