នគរបាលឃាត់ខ្លួនជនសង្ស័យម្នាក់ ពាក់ព័ន្ធជួញដូរគ្រឿងញៀន
20-January-2018 | ដោយ ពលមនសិការ
កំពង់ស្ពឺ ៖ កម្លាំងផ្នែកព្រហ្មទណ្ឌស្រុក សហការជាមួយកម្លាំងប្រឆាំងគ្រឿងញៀនបានឃាត់ខ្លួនជនសង្ស័យម្នាក់ពាក់ព័ន្ធករណីជួញដូរគ្រឿងញៀន។ ហេតុការណ៍ឃាត់ខ្លួនជនសង្ស័យខាងលើបានធ្វើនៅថ្ងៃទី២០ ខែមករា ឆ្នាំ២០១៨ វេលាម៉ោង ១១និង៣០នាទី នៅចំណុចតាមផ្លូវភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ។
លោកវរសេនីយ៍ឯក ឃុត សុផល អធិការស្រុកសំរោងទងបានឲ្យដឹងថាជនសង្ស័យឈ្មោះ គីម ហុក ភេទប្រុស អាយុ ២៤ឆ្នាំ នៅភូមិស្ទឹង ឃុំរលាំងកែន ស្រុកកណ្ដាលស្ទឹង ខេត្តកណ្ដាល។
វត្ថុតាងដកហូតៈ ម្សៅក្រាមពណ៌ស សង្ស័យជាគ្រឿងញៀនចំនួន ១២កញ្ចប់តូច និងទូរស័ព្ទដៃ ១គ្រឿង។
ក្រោយពីធ្វើការសាកសួរមុខសញ្ញាខាងលើបានឆ្លើយសារភាពថា គ្រឿងញៀនខាងលើជារបស់ឈ្មោះ សួង នី ភេទប្រុស អាយុ ២៦ឆ្នាំ នៅភូមិព្រៃគុយ ឃុំត្រពាំងគង ស្រុកសំរោងទង អោយខ្លួនកាន់សម្រាប់លក់ ។
បច្ចុប្បន្នជនសង្ស័យរួមនឹងវត្ថុតាងកម្លាំងជំនាញកំពុងកសាងឯកសារដើម្បីបញ្ជូនទៅសាលាដំបូងខេត្តដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ1981
- ម្សិលមិញ12921
- សប្តាហ៍នេះ1981
- ខែនេះ196581
- ឆ្នាំនេះ196581
- សរុប20639037