រថយន្តដឹកអំពៅជាន់ហ្វ្រាំងមិនស៊ីក្រឡាប់ធ្លាក់ស្នាមភ្លោះស្លាប់ម្នាក់ របួសធ្ងន់ស្រាល៣នាក់
22-January-2018 | ដោយ ពលមនសិការ
ពោធិ៍សាត់ ៖ រថយន្តមួយគ្រឿង បានចរាចរណ៍លើផ្លូវជាតិលេខ៥៥ ដឹកអំពៅក្នុងទិសដៅពីលិចទៅកើតដោយជាន់ហ្វ្រាំងមិនស៊ី ក៏បានវេចង្កូតធ្លាក់ផ្លូវស្នាមភ្លោះក្រឡាប់ស្លាប់ម្នាក់ របួសធ្ងន់និងស្រាល៣នាក់។
ឧប្បហេតុក្រឡាប់នេះបានកើតឡើងកាលពីថ្ងៃទី២២ ខែមករា ឆ្នាំ២០១៨ វេលាម៉ោង២និង១៤នាទីទាបភ្លឺ នៅចំណុចចិនយំ ភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
លោកធៀង ឡេង អធិការនគបាលស្រុកវាលវែងបានប្រាប់ថា មានគ្រោះថ្នាក់ចរាចរណ៍១លើកដោយរថយន្តម៉ាកហ៊ីយ៉ាន់ដាយ ៤,៥តោន ពណ៌ខៀវ ពាក់ស្លាកលេខ កំពង់ចាម 3A-0097 បានក្រឡាប់ខ្លួនឯង បណ្ដាលឲ្យស្លាប់មនុស្សម្នាក់ របួសធ្ងន់ម្នាក់ ស្រាល២នាក់ ខូចរថយន្តធំ១គ្រឿង។
លោកបានប្រាប់ពីអត្តសញ្ញាណជនរងគ្រោះទាំងនោះ មានឈ្មោះដូចខាងក្រោម ទី១-អ្នកបើកបរឈ្មោះ ជួន ជឿនអាយុ៥៥ឆ្នាំ ភេទប្រុស នៅភូមិទេពអជូន ឃុំកោះខែលស្រុកស្អាង ខេត្តកណ្តាល របួសស្រាល មុខរបរកសិករ ទី២- អ្នករួមដំណើរឈ្មោះ ជឿន វិសិត អាយុ២៨ឆ្នាំ ភេទប្រុសនៅភូមិឃុំជាមួយគ្នារបួសស្រាលមុខរបរកសិករ ទី៣-ឈ្មោះ អ្នករួមដំណើរ អាត់ ពៅ អាយុ៥២ឆ្នាំ ភេទស្រី នៅភូមិឃឃុំជាមួយគ្នារបួសធ្ងន់កសិករ និងទី៤-អ្នករួមដំណើ ឈ្មោះ ផល អាយុ២៣ឆ្នាំ នៅវត្តស្វាយជួ ភូមិស្វាយជួ ឃុំកោះខែលស្រុកស្អាង ខេត្តកណ្តាល មុខរបរកសិករស្លាប់នៅកន្លែងកើតហេតុជនរងគ្រោះបញ្ជូនទៅពេទ្យខេត្តពោធិសាត់។សាកសពរង់ចាំប្រគល់ជូនសាច់ញាតិរថយន្តសមត្ថកិច្ចយើងកំពុងគ្រប់គ្រងរង់ចាំដោះស្រាយ ដោយករណីនេះ គឺមូលហេតុហេតុខូចហ្វ្រាំជានមិនស៊ី ៕
ចំនួនអ្នកទស្សនា
- ថ្ងៃនេះ1271
- ម្សិលមិញ12921
- សប្តាហ៍នេះ1271
- ខែនេះ195871
- ឆ្នាំនេះ195871
- សរុប20638327