ទីតាំងផលិតប៊ីចេងក្លែងក្លាយត្រូវសមត្ថកិច្ចបង្ក្រាប នៅខណ្ឌ៧មករា
24-January-2018 | ដោយ ពលមនសិការ
ភ្នំពេញ ៖ យោងតាមអនុសាសន៍ដឹកនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគបាលជាតិ និងក្រោមការបញ្ជាផ្ទាល់របស់លោកឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋ កិច្ច និងយោងតាមពាក្យបណ្តឹងរបស់ក្រុមហ៊ុន thai fermentation industry co.ltd និងផ្អែកតាមការស្រាវជ្រាវស៊ើបអង្កេតរបស់មន្ត្រីជំនាញនាយកដ្ឋាននគរ បាលប្រឆាំងបទល្មើស សេដ្ឋកិច្ច។
កាលពីថ្ងៃទី២២ ខែមករា ឆ្នាំ២០១៨ កម្លាំងនាយកដ្ឋាននគរ បាលប្រឆាំងបទល្មើស សេដ្ឋកិច្ច សហការជា មួយអគ្គនាយកដ្ឋានកាំកុងត្រូល និងអាជ្ញាធរមូលដ្ឋាន ក្រោមការ សម្របសម្រួលនីតិវិធីពីលោក លី សុផាណា ព្រះ រាជអាជ្ញារង នៃអយ្យការអមសាលាដំបូងរាជធានី ភ្នំពេញ បានចុះធ្វើការបង្ក្រាបករណីវេចខ្ចប់ ស្តុកចែកចាយ ប៊ីចេងក្លែងក្លាយសញ្ញារូបវែកចំនួន ៣ទីតាំង រួមមានៈ
ទីតាំងទី១៖នៅចំណុចផ្ទះលេខ២៣ ផ្លូវ១២៥ សង្កាត់បឹងព្រលឹត ខណ្ឌ ៧មករា រាជធានីភ្នំពេញ។
ទីតាំងទី២ ៖ នៅចំណុចផ្ទះ១៤បេ ផ្លូវ១៤១ សង្កាត់បឹងព្រលឹត ខណ្ឌ៧មករា រាជធានីភ្នំពេញ ។
ទីតាំងទី៣ ៖ នៅចំណុចផ្ទះ១០ ផ្លូវ១៤១ សង្កាត់បឹង ព្រលឹត ខណ្ឌ៧មករា រាជធានីភ្នំពេញ។
នៅក្នុងកិច្ចប្រតិបត្តិការ បង្ក្រាបនោះ សមត្ថកិច្ចចម្រុះ បានធ្វើការត្រួត ពិនិត្យឆែកឆេរជាក់ស្តែង រកឃើញ។
នៅទីតាំងទី១៖ផ្ទះលេខ២៣ ផ្លូវ១២៥ មានប៊ីចេងក្លែងក្លាយចំនួន ៥៣បេ ស្មើ១,៣៦៤គីឡូក្រាម, ប៊ីចេងមិនទាន់វេចខ្ចប់ចំនួន៧៦បេ ស្មើ១,៨៩៨គីឡូក្រាម, សំបកវេចខ្ចប់ទំងន់ ៩៩គីឡូក្រាម, ម៉ាស៊ីនអ៊ុតមាត់ថង់មួយ គ្រឿង, ម៉ាស៊ីនវេចខ្ចប់ មួយគ្រឿង។
នៅទីតាំងទី២ ៖ ផ្ទះលេខ១៤បេ ផ្លូវ១៤១ មានប៊ីចេងក្លែងក្លាយចំនួន៨០០កញ្ចប់តូចស្មើ ២៧៥គីឡូក្រាម និងសំបកខ្ចប់មួយចំនួនទៀត។
ដោយឡែកនៅទី តាំងទី៣ ផ្ទះលេខ១០ ផ្លូវ ១៤១ សង្កាត់បឹងព្រលឹត ខណ្ឌ៧មករា រាជធានីភ្នំពេញ មានប៊ីចេងក្លែង ក្លាយទម្ងន់ ៧,៤៦៧គីឡូក្រាម សំបកថង់វេចខ្ចប់ទំងន់ ២៦៨គីឡូក្រាម ម៉ាស៊ីនអ៊ុតមាត់ថង់ចំនួនមួយគ្រឿង, ម៉ាស៊ីនដេរបាវមួយ គ្រឿង និងជញ្ជីងចំនួន ២គ្រឿង។ សរុបប៊ីចេងក្លែង ក្លាយទម្ងន់ទាំងអស់១១,០០៤គីឡូក្រាមនិងសំបកថង់វេចខ្ចប់ទម្ងន់ ៣៦៧គីឡូក្រាម។
ចំពោះវត្ថុតាងទាំង អស់ខាងលើ លោកព្រះ រាជអាជ្ញារង លី សុផាណា បានសម្រេចឲ្យដក ហូតយកមករក្សាទុកនៅនាយកដ្ឋាននគរបាលប្រ ឆាំងបទល្មើសសេដ្ឋកិច្ច និងបាននាំម្ចាស់ទីតាំងទាំង ២មកនាយកដ្ឋាន ដើម្បីបន្តនីតិវិធី ៕
ចំនួនអ្នកទស្សនា
- ថ្ងៃនេះ1721
- ម្សិលមិញ12921
- សប្តាហ៍នេះ1721
- ខែនេះ196321
- ឆ្នាំនេះ196321
- សរុប20638777