លោកស្នងការខេត្ត អញ្ជើញចូលរួមពិធីបើក វគ្គហ្វឹកហាត់ក្បាច់គុណតេក្វាន់ដូ

24-January-2018 | ដោយ ពលមនសិការ

កំពង់ស្ពឺ ៖ កាលពីព្រឹកថ្ងៃទី២៤ ខែមករា ឆ្នាំ២០១៨ នៅស្នងការដ្ឋាននគរបាលខេត្តកំពង់ស្ពឺ បានធ្វើពិធីបើក
វគ្គហ្វឹកហាត់ក្បាច់គុណតេក្វាន់ដូ ដល់កងកម្លាំងនគរបាលតាមការិយាល័យជំនាញចំណុះផែនមួយចំនួន(ព្រហ្មទណ្ឌ, ចរាចរណ៍, ប្រឆាំងបទល្មើស, ប្រឆាំងការជួញដូរមនុស្ស)ក្រោមអធិបតីភាពដ៏ខ្ពង់ខ្ពស់លោកឧត្តមសេនីយ៍ត្រី សម សាមួន ស្នងការនគរបាលខេត្ត និងបានការអញ្ជើញចូលរួមពីលោក លោកស្រី ស្នងការរង លោកអធិការក្រុង.ស្រុកទាំង ០៨ បានការជួយជាគ្រូបង្គោលមានលោកគ្រូបង្វឹកនៅ ខ្លឹបតេក្វាន់ដូពន្លឺថ្មីខេត្ដ អង្គភាពអន្ដរាគមន៍របស់អគ្គស្នងការនគរបាលជាតិ គ្រូបង្វឹកប្រចាំស្នងការដ្ឋាននគរបាលខេត្ដ សរុបចំនួន ៥៧ នាក់ (សិក្ខាកាម ៣៥ នាក់ ស្រី ៧ នាក់)។

តាមការបញ្ជាក់ពីលោកស្នងការថ្លែងក្នុងពិធីបើកវគ្គបង្ហាត់ក្បាច់គុណនោះគឺដើម្បីបង្កើនសមត្ថភាពផ្នែកកម្លាំងកាយ
សម្បទារឹងមាំ ប្រាជ្ញាស្មារតី លំហាត់ប្រាណដល់កងកម្លាំងនគរបាលពិសេសរួមចំណែកថែរក្សាសុខភាពទៀតផង។

ជាការផ្ដាំផ្ញើរលោកស្នងការណែនាំក្រើនរលឹកដល់សិក្ខាកាមទាំងអស់ ត្រូវតែខិតខំយកចិត្តទុកដាក់ ហ្វឹកហាត់អោយចេះចាំស្ទាត់លើមេរៀនជំនាញដែលលោកគ្រូ បានបង្ហាត់បង្រៀន ក្នុងពិធីនោះលោកស្នងការក៏បានឧបត្ថម្ភនូវសម្ភារៈមួយចំនួនជូនដល់លោកគ្រូ រួមមាន ឧបករណ៍ហ្វឹកហាត់ ទឹកបរិសុទ្ធ ទឹកក្រូច ភេសជ្ជៈខារាបាវ និងថវិកា មួយចំនួន ៕