រថយន្តបុកម៉ូតូបណ្តាលឲ្យបុរសម្នាក់រងរបួសធ្ងន់
24-January-2018 | ដោយ ពលមនសិការ
ស្វាយរៀង ៖ នៅព្រឹកថ្ងៃទី២៤ ខែមករា ឆ្នាំ២០១៨ នៅលើផ្លូវក្រាលក្រួសក្រហម ស្ថិតក្នុងភូមិថ្នាញ សង្កាត់បាទី ក្រុងបាវិត ខេត្តស្វាយរៀង មានករណីគ្រោះថ្នាក់ចរាចរណ៍មួយកើតឡើងរវាងរថយន្តនិងម៉ូតូក្នុងទិសដៅបញ្ច្រាសគ្នាពីត្បូងទៅជើង។
សមត្ថកិច្ចបានឲ្យដឹងថាមុនពេលកើតហេតុមានរថយន្តមួយគ្រឿងម៉ាកហ៊ីនយ៉ាន់ដាយ ពណ៌ស ពាក់ស្លាកលេខ ភ្នំពេញ 3D-2848 បើកបរដោយឈ្មោះ មាន សាត ភេទប្រុស អាយុ៣០ឆ្នាំ មុខរបរបើកបររថយន្ត រស់នៅភូមិកោះឫស្សី ឃុំទួលស្តីស្រុកចន្ទ្រា ខេត្តស្វាយរៀង (អ្នកបើកបររថយន្តរត់គេចខ្លួនបាត់បន្សល់ទុកតែវត្ថុតាង) ពីត្បូងទៅជើងលុះបើកបរមកដល់ចំណុចកន្លែងកើតហេតុខាងលើក៏បានបុកជាមួយ ម៉ូតូមួយគ្រឿងម៉ាក់ហុងដាសេ125 ពណ៌ ខ្មៅ ពាក់ស្លាកលេខ ស្វាយរៀង1I-3180បើកបរដោយឈ្មោះ គង់ ចំប៉ា ភេទប្រុស អាយុ៥៤ឆ្នាំ មានទីលំនៅភូមិពោធិ៍ ឃុំមេសថ្ងក ស្រុកចន្ទ្រា ខេត្តស្វាយរៀង បណ្តាលឲ្យរងរបួសធ្ងន់បាក់ភ្លៅខាងឆ្វេង។ មានមួកសុវត្ថភាពម៉ូតូមានកញ្ចក់មើលក្រោយពីទិសខាងលិចទៅត្បូង។
បច្ចុប្បន្នជនរងគ្រោះក្រុមគ្រួសារបានបញ្ជូនទៅព្យាបាលនៅមន្ទីរពេទ្យបង្អែកស្វាយរៀង។ មូលហេតុ អ្នកបើកបរម៉ូតូប្រើប្រាស់ល្បឿនលឿន(ផ្លូវបបែកជាបី)។ ក្រោយកើតហេតុ វត្ថុតាងទាំង០២គ្រឿងសមត្ថកិច្ចយើងយកមករក្សាទុកនៅអធិការដ្ឋាននគរបាលក្រុងបាវិតដើម្បីពំពេញសំណុំតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ1521
- ម្សិលមិញ12921
- សប្តាហ៍នេះ1521
- ខែនេះ196121
- ឆ្នាំនេះ196121
- សរុប20638577