នគរបាលស្រុកស្អាងឃាត់ខ្លួនមុខសញ្ញាជួញដូរគ្រឿងញៀនម្នាក់
24-January-2018 | ដោយ ពលមនសិការ
កណ្តាល ៖ កម្លាំងនគរបាលស្រុកស្អាងបានឃាត់ខ្លួនជនសង្ស័យម្នាក់ពាក់ព័ន្ធករណីជួញដូរដោយខុសច្បាប់នូវសារធាតុញៀន។ ជនសង្ស័យត្រូវឃាត់ខ្លួននៅថ្ងៃទី២៤ ខែមករា ឆ្នាំ២០១៨ វេលាម៉ោង១៨និង១៥នាទី នៅចំណុច ផ្ទះសំណាក់លេខ៦១១ (បន្ទប់លេខ៧) ស្ថិតក្នុងភូមិស្វាយតានី ឃុំព្រែកគយ ស្រុកស្អាង ខេត្តកណ្ដាល។
សមត្ថកិច្ចបានឲ្យដឹងថាជនសង្ស័យឈ្មោះ ផៃ សំផុន ភេទ ប្រុស អាយុ២៦ឆ្នាំ ជនជាតិ ខ្មែរ មុខរបរ កម្មកររោងចក្រ មានទីលំនៅបច្ចុប្បន្នភូមិដីឡូត៍ ឃុំព្រែកឫស្សី ក្រុងតាខ្មៅ ខេត្តកណ្ដាល។
វត្ថុតាងចាប់យកៈ ម្សៅក្រាមពណ៌សសង្ស័យថាជា សារធាតុញៀន(ម៉ាទឹកកក) ចំនួន ០២កញ្ចប់ (ធំ ០១កញ្ចប់ និងមធ្យម០១កញ្ចប់)។
សមត្ថកិច្ចបានឲ្យដឹងថា ក្រោយទទួលបានព័ត៌មានពីម្ចាស់ផ្ទះសំណាក់លេខ៦១១ ថាមានករណី ជួញដូរគ្រឿងញៀន នៅចំណុចផ្ទះសំណាក់របស់ខ្លួន ភ្លាមនោះកម្លាំងផ្នែកប្រឆាំងបទល្មើសគ្រឿងញៀន សហការជាមួយកម្លាំងប៉ុស្តិ៍នគរបាលព្រែកគយ បានទៅដល់ចំណុចកើតហេតុ ធ្វើការត្រួតពិនិត្យជនសង្ស័យឈ្មោះ ផៃ សំផុន នៅក្នុងបន្ទប់លេខ៧ (ផ្ទះសំណាក់ខាងលើ) បានរកឃើញម្សៅក្រាមពណ៌សថ្លា សង្ស័យជាសារធាតុញៀន(ម៉ាទឹកកក) ចំនួន ០២កញ្ចប់ នៅនឹងខ្លួន រួចឃាត់ខ្លួនជនសង្ស័យ រួមនឹងវត្ថុតាង បញ្ជូនមកអធិការដ្ឋាននគរបាលស្រុកស្អាង ដើម្បីសាកសួរ ។
នៅចំពោះមុខសមត្ថកិច្ចនគរបាល ឈ្មោះ ផៃ សំផុន បានសារភាពថា គ្រឿងញៀន(ម៉ាទឹកកក)ខាងលើ ខ្លួនបានទិញពីបុរសម្នាក់មិនស្គាល់ឈ្មោះ នៅចំណុច វាលខ្សាច់ ចាក់អង្រែលើ រាជធានីភ្នំពេញ តម្លៃ១៥០ដុល្លារ ដើម្បីយកទៅអោយឈ្មោះសឿន ចិត្រា ភេទប្រុស អាយុ២១ឆ្នាំ មានទីលំនៅភូមិទួលសូភី ឃុំព្រែកគយ ស្រុកស្អាង ខេត្រកណ្ដាល ដើម្បីលក់បន្ដ។
នៅវេលាម៉ោង១៩និង៣០នាទីនាថ្ងៃដដែលលោកលាវ ស្រេង ព្រះរាជអាជ្ញាសាលាដំបូងខេត្រកណ្ដាល ឲ្យឃាត់ខ្លួនជនសង្ស័យ នៅអធិការដ្ឋាននគរបាលស្រុកស្អាង ដើម្បីកសាងសំណុំរឿងតាមនីតិវិធី ៕
ចំនួនអ្នកទស្សនា
- ថ្ងៃនេះ1311
- ម្សិលមិញ12921
- សប្តាហ៍នេះ1311
- ខែនេះ195911
- ឆ្នាំនេះ195911
- សរុប20638367