ឡើងផ្សាដែកលើដំបូល ភ្លាត់ជើងធ្លាក់មកដី បាក់ កស្លាប់
26-January-2018 | ដោយ ពលមនសិការ
បាត់ដំបង ៖ បុរសម្នាក់បានស្លាប់យ៉ាងអាណោច អាធ័ម ក្រោយពីក្រុមគ្រួសារ បានបញ្ជូនទៅកាន់មន្ទីរពេទ្យ ខណៈដែលបុរសរូបនេះបានឡើងទៅលើដំបូលផ្ទះដើម្បីផ្សាគ្រោងដែក តែចៃដន្យក៏ត្រូវរអិលភ្លាត់ជើង ធ្លាក់មកដីតែម្តង ។
ហេតុការណ៍នេះបានកើតឡើង នៅវេលាម៉ោង១០និង២០ នាទីព្រឹក ថ្ងៃទី ២៥ ខែមករា ឆ្នាំ២០១៨ នៅត្រង់ចំណុច ភូមិដូង ឃុំបឹងរាំង ស្រុកកំរៀង ខេត្តបាត់ដំបង ដែលជនរងគ្រោះមាន ឈ្មោះ ជ សម្បត្តិ ភេទប្រុស អាយុ៤៥ឆ្នាំ មុខរបរកម្មករ រស់នៅត្រង់ចំណុចកើតហេតុ ខាងលើ។
របាយការណ៍បនាបន្តថា នៅមុនពេលកើតហេតុគឺជនរងគ្រោះ បានឡើងទៅលើដំបូលផ្ទះដើម្បីផ្សាគ្រោងដែកដំបូលក្នុងគោលបំណង តពង្រីកដំបូលអោយបានធំជាងមុន។ ខណៈដែលបុរសរូបនេះកំពុងផ្សាសុខៗ ទំនងជាជាន់ដែកខុស បានជាភ្លាត់ជើងធ្លាក់មកដីទាំងជំហរតែម្តង ។
ភ្លាមៗនោះដែរ ក្រុមគ្រួសារ និងសាច់ញាតិ បានដឹកបញ្ជូនទៅកាន់មន្ទីរពេទ្យដើម្បីសង្គ្រោះប៉ុន្តែជាអកុសល ជនរងគ្រោះបានស្លាប់តាំងពីកន្លែងកើតហេតុមកម្ល៉េះ ដោយសារតែធ្លាក់ក្បាលមកមុនបណ្តាលអោយបាក់ក។ បច្ចុប្បន្នសព ត្រូវបានក្រុមគ្រួសាររៀនចំធ្វើបុណ្យតាមប្រពៃណីហើយ ៕
ចំនួនអ្នកទស្សនា
- ថ្ងៃនេះ2071
- ម្សិលមិញ12921
- សប្តាហ៍នេះ2071
- ខែនេះ196671
- ឆ្នាំនេះ196671
- សរុប20639127