ខេត្តបន្ទាយមានជ័យរយៈពេល១ថ្ងៃគ្រោះថ្នាក់ចរាចរណ៍កើតឡើង៣ករណីបណ្តាលស្លាប់៤នាក់
26-January-2018 | ដោយ ពលមនសិការ
បន្ទាយមានជ័យ ៖ រយៈពេល១ថ្ងៃមានគ្រោះថ្នាក់ចរាចរណ៍កើតឡើង៣ករណីបណ្តាលស្លាប់៤នាក់ នៅខេត្តបន្ទាយមានជ័យ។
ករណីទី១ ៖ កាលពីថ្ងៃទី២៥ ខែមករា ឆ្នាំ២០១៨ តាមបណ្តោយផ្លូវស្ថិតចំណុចភូមិអូរឫស្សី សង្កាត់ផ្សាកណ្តាលក្រុងប៉ោយប៉ែត មានគ្រោះថ្នាក់ចរាចរណ៍បានកើតឡើងបណ្តាលឲ្យស្លាប់ម្នាក់នៅហ្នឹងកន្លែង។ ជនរងគ្រោះឈ្មោះ ស្រឹម ស្រេង ភេទប្រុស អាយុ៣២ឆ្នាំ រស់នៅភូមិកើតហេតុបានជិះម៉ូតូហុងដាវេវ ពណ៌ក្រហម គ្មានស្លាកលេខស្រវឹងបណ្តាលឲ្យធ្លាក់ចូលប្រឡាយដោយខ្លួនឯងបាក់កស្លាប់ភ្លាមៗ។
ករណីទី២៖នៅវេលាម៉ោង៣និង០៥នាទីថ្ងៃទី២៥ ខែមករាឆ្នាំ២០១៨ នៅតាមបណ្តោយផ្លូវជាតិលេខ៥ ស្ថិតភូមិជំទាវឃុំឫស្សីក្រោយ ស្រុកមង្គលបូរី មានគ្រោះថ្នាក់ចរាចរណ៍បានកើតឡើងបណ្តាលស្លាប់ម្នាក់នៅហ្នឹងកន្លែង។ បង្កដោយរថយន្តម៉ាកសាំយ៉ុង ពាក់ស្លាកលេខ បាត់ដំបង 2A-8780 បានបើកបរក្នុងល្បឿនលឿនបានបុកជាមួយម៉ូតូ ម៉ាកហុងដាសេរីចាស់បណ្តាលឲ្យស្លាប់ហ្នឹងកន្លែង។ ជនរងគ្រោះឈ្មោះ ហន ចំរ៉ុង ភេទប្រុស អាយុ២៩ឆ្នាំ រស់នៅភូមិវត្តចែង ឃុំអូរដំបង ស្រុកថ្មគោល ខេត្តបាត់ដំបង។
ករណីទី៣ ៖ នៅវេលាម៉ោង៦និង២០នាទីយប់ថ្ងៃទី២៥ ខែមករា ឆ្នាំ២០១៨ នៅតាមបណ្តោយផ្លូវជាតិលេខ៥៦អា ស្ថិតភូមិគោកតាឯក ឃុំតាបែន ស្រុកស្វាយចេក មានគ្រោះថ្នាក់ចរាចរណ៍បណ្តាលជនរងគ្រោះ២នាក់ស្លាប់។
មូលហេតុគ្រោះថ្នាក់ចរាចរណ៍កើតឡើងបង្កដោយរថយន្តហ្វ័ររេន័ ពាក់ស្លាក់លេខ ភ្នំពេញ 2I-3014 បានបើកបុកអ្នកជិះម៉ូតូហុងដាឌ្រីមពាក់ស្លាក់លេខ បន្ទាយមានជ័យ1Q-8043 ពេញទំហឹងបណ្តាលឲ្យស្លាប់២នាក់ហ្នឹងកន្លែង។
ជនរងគ្រោះទី១-ឈ្មោះ នេ ឡាម ភេទប្រុស អាយុ៣៤ឆ្នាំ ទី២-ឈ្មោះ ម៉ុក មឿយ ភេទប្រុស អាយុ៣២ឆ្នាំ ជនរងគ្រោះរស់នៅភូមិគោកកី ឃុំតាផូ ស្រុកស្វាយចេក ៕
ចំនួនអ្នកទស្សនា
- ថ្ងៃនេះ1991
- ម្សិលមិញ12921
- សប្តាហ៍នេះ1991
- ខែនេះ196591
- ឆ្នាំនេះ196591
- សរុប20639047