ម៉ូតូបុកម៉ូតូបណ្តាលឲ្យស្លាប់ម្នាក់របួសធ្ងន់ ២នាក់នៅក្រុងបាវិត
29-January-2018 | ដោយ ពលមនសិការ
ស្វាយរៀង ៖ គ្រោះថ្នាក់ចរាចរណ៍មួយបានកើតឡើងរវាងម៉ូតូបុកជាមួយម៉ូតូក្នុងទិសដៅបញ្ច្រាសគ្នាបណ្តាលស្លាប់ម្នាក់និងរបួសធ្ងន់២នាក់។ ហេតុការណ៍ខាងលើបានកើតឡើងកាលពីថ្ងៃទី២៩ ខែមករា ឆ្នាំ២០១៨ វេលាម៉ោង០១និង០៥នាទី នៅចន្លោះគីឡូម៉ែត្រលេខ១៦៥-១៦៦ ស្ថិតក្នុងភូមិបាវិតកណ្ដាល សង្កាត់ក្រុងបាវិត ខេត្តស្វាយរៀង។
សមត្ថកិច្ចបានឲ្យដឹងថាមុនពេលកើតហេតុមានម៉ូតូមួយគ្រឿងម៉ាក វ៉េវ ពណ៌ខៀវ ពាក់ស្លាកលេខ 70L9-4679 បើកបរដោយឈ្មោះ វិន ចិន្ដា ហៅក្រួច ភេទប្រុស អាយុ២៧ ឆ្នាំ ជនជាតិខ្មែរមុខរបរ ចុងភៅ នៅកាស៊ីណូ ថាយថិន មានទីលំនៅ ភូមិច្រកលាវ សង្កាត់បាវិត ក្រុងបាវិត ខេត្តស្វាយរៀង គ្មានពាក់មួកសុវត្ថភាពម៉ូតូគ្មានដាក់កញ្ចក់មើលក្រោយ បណ្ដាលអោយស្លាប់នៅនឹងកន្លែងកើតហេតុ បើកបរពីកើត ទៅលិចលុះមកដល់ចំណុចកើតហេតុខាងលើ ក៏ បានបុកប៉ះនិងម៉ូតូមួយគ្រឿងម៉ាកវ៉េវ ពណ៌ប្រផេះ គ្មានស្លាកលេខ បើកបរ ដោយឈ្មោះ កង សុខជា ភេទប្រុស អាយុ២០ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ ត្រពាំងផ្លុង សង្កាត់បាទី ក្រុងបាវិត ខេត្ត ស្វាយរៀងគ្មានពាក់មួកសុវត្ថភាពនិងម៉ូតូគ្មានដាក់កញ្ចក់មើលក្រោយបណ្ដាលអោយរងរបួសធ្ងន់ត្រង់ក្បាលនិងអ្នករួមដំណើរឈ្មោះ ម៉ី សារ៉ា ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ ត្រពាំងផ្លុង សង្កាត់បាទី ក្រុងបាវិត ខេត្តស្វាយរៀង គ្មានពាក់មួកសុវត្ថភាពបណ្ដាលអោយរងរបួសបាក់កជើងខាងស្ដាំ។
បច្ចុប្បន្នអ្នករងរបួសទាងពីរនាក់ត្រូវបានក្រុមគ្រួសារបញ្ជួនទៅមន្ទីពេទ្យខេត្តស្វាយរៀង ចំណែកសាកសពត្រូវបាន សមត្ថកិច្ចយើងធ្វើកំណត់ហេតុប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ រីឯវត្ថុតាងទាំងពីរគ្រឿងសមត្ថកិច្ចយកមករក្សាទុកបណ្ដោះ អាសន្ននៅប៉ុស្តិ៍នគរបាលរដ្ឋបាលសង្កាត់បាវិតដើម្បីបំពេញសំណុំរឿងតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ1911
- ម្សិលមិញ12921
- សប្តាហ៍នេះ1911
- ខែនេះ196511
- ឆ្នាំនេះ196511
- សរុប20638967