ជិះម៉ូតូបុករថយន្តបណ្តាលឲ្យស្លាប់ម្នាក់របួសធ្ងន់ម្នាក់ នៅសង្កាត់ភ្នំពេញថ្មី
29-January-2018 | ដោយ ពលមនសិការ
ភ្នំពេញ ៖ បុរសម្នាក់បានស្លាប់ភ្នាមៗនិងម្នាក់ទៀតបានរបួសធ្ងន់ត្រូវបញ្ជូនទៅសង្គ្រោះបន្ទាន់ភ្លាមៗបន្ទាប់ពីជួបគ្រោះថ្នាក់ចរាចរណ៍ជិះម៉ូតូទៅបុកជាមួយរថយន្ត កាលពីថ្ងៃទី២៧ ខែមករា ឆ្នាំ២០១៨ វេលាលម៉ោង២២និង៥០នាទី ត្រង់ចំណុចមុខយានដ្ឋានវណ្ណហ្គារ៉ាស់ លើផ្លូវលេខ១០០៣ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
សមត្ថកិច្ចបានឲ្យដឹងថាមុនពេលកើតហេតុ មានម៉ូតូមួយគ្រឿងម៉ាក HONDA WAVE ពណ៌ខ្មៅ ពាក់ស្លាកលេខ ភ្នំពេញ 1GT-1830 បើកបរដោយឈ្មោះ យ៉ន ភារុន ភេទប្រុស អាយុ២២ឆ្នាំ ស្នាក់នៅភូមិស្តុក ឃុំស្វាយចចិប ស្រុកបសេដ្ឋ ខេត្តកំពង់ស្ពឺ រួមដំណើរជាមួយឈ្មោះ ម៉ែន ធូលីមករា ភេទប្រុស អាយុ២១ឆ្នាំ មុខរបរនិស្សិត មានទីលំនៅភូមិតាអាំ ឃុំទួលសាលា ស្រុកបសេដ្ឋ ខេត្តកំពង់ស្ពឺ បានធ្វើដំណើរតាមបណ្តោយផ្លូវលេខ១០០៣ ទិសដៅពីជើងទៅត្បូង លុះមកដល់ចំណុចកើតហេតុខាងលើ បានបើកចូលចំណែកផ្លូវនៃយានម្ខាងទៀត ១,៥០ម៉ែត្រ បុកជាមួយរថយន្តមួយគ្រឿងដែលធ្វើដំណើរបញ្ច្រាសទិសគ្នា ម៉ាក TOYOTA HILUX REVO ពណ៌ស ពាក់ស្លាកលេខ ភ្នំពេញ 2AU-6166 បើកបរដោយឈ្មោះ គឹម ម៉េងសួរ ភេទប្រុស អាយុ៤៩ឆ្នាំ មានទីលំនៅផ្ទះលេខ៦៩BE1 ផ្លូវលេខ១៦៣ ភូមិ៧ សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។
អ្នកបើកបរម៉ូតូស្លាប់នៅកន្លែងកើតហេតុ អ្នកដំណើររងរបួសធ្ងន់។ មូលហេតុម៉ូតូបើកមិនប្រកាន់ចំណែករបស់ខ្លួន។ក្រោយកើតហេតុកម្លាំងជំនាញបានវាស់វែងយកមកមធ្យោបាយពាក់ព័ន្ធនៅការិយាល័យចរាចរណ៍ផ្លូវគោករាជធានីភ្នំពេញ ៕
ចំនួនអ្នកទស្សនា
- ថ្ងៃនេះ2251
- ម្សិលមិញ12921
- សប្តាហ៍នេះ2251
- ខែនេះ196851
- ឆ្នាំនេះ196851
- សរុប20639307