រថយន្តបុកម៉ូតូបណ្តាលឲ្យរបួសធ្ងន់ ម្នាក់នៅក្រុងស្វាយរៀង
30-January-2018 | ដោយ ពលមនសិការ
ស្វាយរៀង ៖ បុរសម្នាក់បានរងរបួសធ្ងន់ត្រូវបញ្ជូនទៅសង្គ្រោះបន្ទាន់ភ្លាមៗបន្ទាប់ពីជួបគ្រោះថ្នាក់ចរចរណ៍រថយន្តបុកម៉ូតូ កាលពីថ្ងៃទី២៩ ខែមករា ឆ្នាំ២០១៨ វេលាម៉ោង១៨និង០៥នាទី ស្ថិតនៅលើផ្លូវជាតិលេខ១ ចន្លោះគីឡូម៉ែតលេខ១២៧-១២៨ ស្ថិតក្នុងភូមិ បាក់រនាស់ សង្កាត់សង្ឃ័រ ក្រុងស្វាយរៀង។
សមត្ថកិច្ចបានឲ្យដឹងថាមុនពេលកើតហេតុមានរថយន្តមួយគ្រឿងម៉ាក ហ៊ីយ៉ាន់ដាយ ពណ៌ខៀវ ពាក់ស្លាកលេខ ស្វាយរៀង 3A-1377 រថយន្ដបើកបរពីលិចទៅកើត អ្នកបើកបរមិនស្គាល់ឈ្មោះរត់គេចពីកន្លែងកើតហេតុបន្សល់ទុករថយន្ដ ពេលមកដល់កន្លែងកើតហេតុបានបុកជាមួយម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ ស្វាយរៀង 1D-7803 បើកបរដោយឈ្មោះ ជុំ សារិទ្ធិ ភេទប្រុស អាយុ២២ ឆ្នាំ មុខរបរ បុគ្គលិកកាស៊ីណូសៀងហៃ រស់នៅភូមិស្វាយតឿ សង្កាត់ស្វាយតឿ ក្រុងស្វាយរៀង ខេត្តស្វាយរៀង បើកបរពីកើតទៅលិច មិនពាក់មួកសុវត្ថិភាព រងរបួសធ្ងន់។
ក្រោយកើតហេតុកម្លាំងជំនាញបានវាស់វែងយកមធ្យោបាយពាក់ព័ន្ធមករក្សាទុកនៅការិយាល័យចរាចរណ៍ខេត្តស្វាយរៀង។ អ្នករបួសព្យាបាល នៅមន្ទីរពេទ្យខេត្តស្វាយរៀង ៕
ចំនួនអ្នកទស្សនា
- ថ្ងៃនេះ1291
- ម្សិលមិញ12921
- សប្តាហ៍នេះ1291
- ខែនេះ195891
- ឆ្នាំនេះ195891
- សរុប20638347