ឪពុកម្តាយមិនប្រយ័ត្នបាត់កូនស្លាប់ក្នុងទឹកទន្លេ
31-January-2018 | ដោយ ពលមនសិការ
ពោធិ៍សាត់ ៖ ឪពុកម្តាយគ្មានការប្រុងប្រយ័ត្នក្នុងការថែរក្សាកូនខ្លួនធ្វើឱ្យកុមារីអាយុ៣ឆ្នាំម្នាក់ស្លាប់ក្នុងទឹកទន្លេសាប ក្បែរផ្ទះបណ្តែតទឹក ស្ថិតក្នុងភូមិព្រែក ឃុំរាំងទិល ស្រុកកណ្តៀង ខេត្តពោធិ៍សាត់ ឧប្បទ្ទវហេតុនេះកើតឡើង នៅវេលាម៉ោង១៤និង១០នាទីរសៀលថ្ងៃទី៣០ ខែមករា ឆ្នាំ២០១៨។
តាមការឱ្យដឹងពីអាណាព្យាបាលត្រូវជាម្តាយកេ្មងរងគ្រោះឈ្មោះម៉ឺង ធាវ អាយុ៣០ឆ្នាំបានប្រាប់ឱ្យដឹងថា មុនពេលកើតហេតុ ក្មេងរងគ្រោះឈ្មោះនី សារី ភេទស្រី អាយុ៣ឆ្នាំ បានដើរលេងក្នុងផ្ទះបណ្តែតទឹករបស់ខ្លួន ស្ថិតនៅភូមិឃុំខាងលើ ខណៈគាត់និងប្តីរបស់គាត់ឈ្មោះ ញៀន នី អាយុ៣១ឆ្នាំ ភ្លេចខ្លួនដោយជាប់រវល់កិច្ចផ្ទះមួយពព្រិចភ្នែកស្រាប់តែបាត់កូនក៏ស្រែកផ្អើលឆោឡោសួរអ្នករស់នៅជិតខាងដែលមានផ្ទះបណ្តែតទឹកដូចគ្នាដើម្បីរកកូនរបស់ខ្លួនប៉ុន្តែគ្មានអ្នកណាបានដឹងនោះឡើយ ពីនាក់ប្តីប្រពន្ធមានមន្ទិលសង្ស័យថា កូនរបស់ខ្លួនពិតជាធ្លាក់ទឹកលង់ស្លាប់ព្រោះនៅព័ន្ធជុំវិញផ្ទះសុទ្ធទឹក ដូច្នេះក៏ចុះទឹកដើររាវរកក៏ប្រទះឃើញកូនរបស់គាត់ដេកស្លាប់ក្នុងទឹកក្បែរផ្ទះរបស់ខ្លួន ក៏នាំប្តីប្រពន្ធស្រង់យកមកដាក់លើផ្ទះ។
សមត្ថកិច្ចនគរបាលប៉ុស្តិ៍រដ្ឋបាលរាំងទិលនិងអាជ្ញាធរមូលដ្ឋានបានអះអាងថា ក្រោយពីទទួលដំណឹងមានក្មេងធ្លាក់ទឹកលង់ស្លាប់ ក៏ចុះពិនិត្យកន្លែងកើតហេតុឃើញថា ក្មេងរងគ្រោះឈ្មោះនី សារី បានលង់ទឹកទន្លេស្លាប់មែន សាកសពប្រគល់ជូនក្រុមគ្រួសារចាត់ចែងតាមប្រពៃណី ៕
ចំនួនអ្នកទស្សនា
- ថ្ងៃនេះ1581
- ម្សិលមិញ12921
- សប្តាហ៍នេះ1581
- ខែនេះ196181
- ឆ្នាំនេះ196181
- សរុប20638637