ព្រោះតែសេពគ្រឿងញៀនធ្វើឲ្យកូនប្រុសគម្រាម អាកម្តាយសម្លាប់ចោល
01-February-2018 | ដោយ ពលមនសិការ
ពោធិ៍សាត់ ៖ បុរសញៀនថ្នាំម្នាក់ត្រូវសមត្ថកិច្ចនគរបាលចាប់ឃាត់ខ្លួនកាលពីវេលាម៉ោង១១និង២នាទីព្រឹកថ្ងៃទី០១ខែកុម្ភៈ ឆ្នាំ២០១៨ មកកាន់អធិការដ្ឋាននគរបាលស្រុកកណ្តៀង ដើម្បីកសាងសំណុំរឿងចាត់ការតាមនីតិវិធីច្បាប់ ។
តាមការរៀបរាប់របស់អាណាព្យាបាលជនសង្ស័យ បានប្រាប់ឲ្យដឹងថា ឈ្មោះ ងឿន ចន្ទ្រា ភេទប្រុស អាយុ២៧ឆ្នាំ ត្រូវជាកូនរបស់គាត់រស់នៅភូមិវាល ឃុំវាល ស្រុកកណ្តៀង បានយកកង់មួយគ្រឿងចេញពីផ្ទះ ទៅបញ្ចាំហើយមកប្រាប់ម្តាយជាជនរងគ្រោះ ឲ្យទៅលោះយកកង់មកវិញ អ៊ុំស្រី ក៏សួរដំណើរទំនងអំពីកន្លែងបញ្ចាំ ក្រោយពីជនសង្ស័យប្រាប់អំពីទីតាំងដែលគេយកកង់ទៅបញ្ចាំបានច្បាស់លាស់គាត់ក៏រុះរានទៅលោះពីអ្នកបញ្ចាំ យកមកផ្ទះវិញ ហើយលាក់ទុកមិនជនសង្ស័យបានជិះដូចមុនទៀតឡើយ។ ដោយដឹងថាម្តាយទៅលោះកង់យកមកផ្ទះវិញ ជនសង្ស័យបានគម្រាម ម្តាយបើមិនឲ្យទៅវាជិះ វានឹងអាកសម្លាប់ម្តាយរបស់ខ្លួនចោល ដោយមានការភិតភ័យអុំស្រី ជាជនរងគ្រោះ ក៏បានមកប្តឹងសមត្ថកិច្ចនគរបាលអំពីករណីរឿងនេះ។
ក្រោយពីទទួលបានពាក្យ លោកវរសេនីយ៍ទោ លីវ សេងហ៊ីម បានចាត់តាំងកម្លាំងចុះដល់ភូមិសាស្ត្រ ដែលជនរងគ្រោះរស់នៅខាងលើ ហើយនាំខ្លួនជនសង្ស័យឈ្មោះ ងឿន ចន្ទ្រា មកកាន់អធិការដ្ឋាននគរបាលស្រុកហើយធ្វើការឃាត់ខ្លួនតែម្តង។
លោក លីវ សេងហ៊ីម បានបន្តថា ក្រោយពីធ្វើការឃាត់ខ្លួនជនសង្ស័យសមត្ថកិច្ចបានធ្វើតេស្តទឹកនោម ពិនិត្យឃើញថា មានសារធាតុញៀនក្នុងខ្លួន ដូច្នេះជនសង្ស័យរូបនេះ មានសារធាតុញៀន ទើបហ៊ានប្រើពាក្យសម្តី គម្រាមគំហែងសម្លាប់ម្តាយបែបនេះ ៕
ចំនួនអ្នកទស្សនា
- ថ្ងៃនេះ1421
- ម្សិលមិញ12921
- សប្តាហ៍នេះ1421
- ខែនេះ196021
- ឆ្នាំនេះ196021
- សរុប20638477