អាជ្ញាធរខេត្តសុំឲ្យបងប្អូនប្រជាពលរដ្ឋរងផលប៉ះពាល់ផ្លូវជាតិលេខ៥ដែលដោះស្រាយហើយត្រូវសហការរុះរើអោយបានឆាប់
05-February-2018 | ដោយ ពលមនសិការ
បន្ទាយមានជ័យ ៖ អាជ្ញាធរខេត្តសុំឲ្យបងប្អូនប្រជាពលរដ្ឋរងផលប៉ះពាល់ផ្លូវជាតិលេខ៥ ដែលដោះស្រាយហើយត្រូវសហការរុះរើបានឆាប់ដើម្បីស្ថានាផ្លូវ។
ជាក់ស្តែងនៅពេលដែលឃើញសកម្មភាពក្រុមហ៊ុនកំពុងដំណើរកសាងផ្លូវជាតិលេខ៥ ក្នុងស្រុកមង្គលបូរីនិងក្រុងសិរីសោភ័ណខេត្តបន្ទាយមានជ័យដែលជាប្រភេទផ្លូវដែលធំនៅទិសពាយ័ព្យ នៃប្រទេសកម្ពុជា។ ប្រជាពលរដ្ឋឃើញការស្ថាបនាផ្លូវ សប្បាយចិត្តទៅពេលអនាគតមានផ្លូវធំធ្វើដំណើរទៅមកបានលឿនហើយទាន់ពេលវេលានិងកាត់បន្ថយគ្រោះថ្នាក់ចរាចរណ៍។
លោក រ័ត្ន ដាស៊ីណង់ អភិបាលស្រុកមង្គលបូរីបានប្រាប់ថាដោយយកចិត្តទុកដាក់ពីប្រមុខរាជរដ្ឋាភិបាលកម្ពុជាក្រោមការដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានកំពុងយកចិត្តទុកដាក់លើវិស័យសាធារណការនិងដឹកជញ្ជូនបានដំណើរការស្ថាបនាផ្លូវជាតិលេខ៥ ដែលជាប្រភេទផ្លូវជាតិបួនគន្លង ដែលមានទទឹង២០ម៉ែត្រមានផ្លូវម្ខាង១០ម៉ែត្រនិងសួនកណ្តាលទ្រូងផ្លូវប្រវែង៣ម៉ែត្រ។
លោក លី សារី អភិបាលរងខេត្តបន្ទាយមានជ័យបានបញ្ជាក់ថា ក្នុងនាមអាជ្ញាធរខេត្ត-ស្រុកបានសហការជាគណៈកម្ម ការដោះស្រាយផលប៉ះពាល់ចំណីផ្លូវជាតិលេខ៥ សុំឲ្យប្រជាពលរដ្ឋដែលដោះស្រាយផលប៉ះពាល់ហើយ និងក្រុមហ៊ុនអគ្គីសនីត្រូវជួយសហការរុះរើឲ្យបានឆាប់ដើម្បីឲ្យការស្ថានាផ្លូវជាតិលេខ៥ ដំណើរល្អសម្រាប់ការកសាង៕
ចំនួនអ្នកទស្សនា
- ថ្ងៃនេះ361
- ម្សិលមិញ12921
- សប្តាហ៍នេះ361
- ខែនេះ194961
- ឆ្នាំនេះ194961
- សរុប20637417