ក្រសួងព័ត៌មានបានផ្តល់ស្ថានីយ៍ទូរទស្សន៍កម្លាំង៥គីឡូវ៉ាត់សម្រាប់ផ្សាយផ្ទាល់ ខេត្តបន្ទាយមានជ័យ
07-February-2018 | ដោយ ពលមនសិការ
បន្ទាយមានជ័យ ៖ នៅរសៀលថ្ងៃទី០៧ ខែកុម្ភៈ ឆ្នាំ២០១៨ មន្ទីរព័ត៌មានខេត្តបន្ទាយមានជ័យ ចុះសិក្សាទីតាំងតំឡើងស្ថានីយ៍ ដែលស្ថិតលើកំពូលភ្នំស្វាយក្រុងសិរីសោភ័ណ បន្ទាប់ពីក្រសួងព័ត៌មានបានផ្តល់ស្ថានីយ៍ទូរទស្សន៍កម្លាំង៥គីឡូវ៉ាត់សម្រាប់ផ្សាយផ្ទាល់។
លោក ង៉ូវ ប៊ុនរិទ្ធ ទីប្រឹក្សាក្រសួងព័ត៌មានបានឲ្យដឹងថា ដោយបានការយកចិត្តទុកដាក់ពីប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លើវិស័យព័ត៌មានហើយឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានផ្តល់ស្ថានីយ៍ទូរទស្សន៍ជាតិកម្ពុជាដែលមានកម្លាំងផ្សាយ៥គីឡូវ៉ាត់ដល់មន្ទីរព័ត៌មានខេត្តបន្ទាយមានជ័យ។
លោកបានបញ្ជាក់ថា ក្រោយពេលដែលក្រសួងព័ត៌មានផ្តល់ស្ថានីយ៍ទូរទស្សន៍ជាតិកម្ពុជាដល់ខេត្តបន្ទាយមានជ័យ ហើយបានប្រជុំនិងចុះពិនិត្យសិក្សាទីតាំងដាក់តំឡើងអង់ទែនស្ថានីយ៍ទូរទស្សន៍ជាតិកម្ពុជានៅលើកំពូលភ្នំស្វាយកណ្តាលក្រុងសិរីសោភ័ណដែលមានផ្ទៃដីទំហំ៣០ម៉ែត្រគុណ៣០ម៉ែត្រស្មើនិង៩០០ម៉ែត្រការ៉េដែលត្រូវតំឡើងនៅក្នុងអំឡុងឆ្នាំ២០១៨នេះ។
លោក លី សារី អភិបាលរងខេត្តបន្ទាយមានជ័យបានបញ្ជាក់ថា នៅខេត្តបន្ទាយមានជ័យមានស្ថានីយ៍ទូរទស្សន៍ផ្សាយបន្តចំនួន៦ស្ថានីយ៍និងវិទ្យុផ្សាយផ្ទាល់និងបន្តចំនួន១៩កន្លែងនិងស្ថានីយ៍ទូរទស្សន៍ខ្សែកាបចំនួន២ក្រុមហ៊ុនដែលកំពុងដំណើរ។
លោកបានផ្លែងអំណគុណចំពោះប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាដែល យកចិត្តទុកដាក់លើវិស័យព័ត៌មានហើយក្រសួងព័ត៌មានបានផ្តល់ស្ថានីយ៍ទូរទស្សន៍ជាតិកម្ពុជាសម្រាប់ផ្សាយផ្ទាល់ជូនប្រជាពលរដ្ឋបានទស្សនា ៕
ចំនួនអ្នកទស្សនា
- ថ្ងៃនេះ251
- ម្សិលមិញ12921
- សប្តាហ៍នេះ251
- ខែនេះ194851
- ឆ្នាំនេះ194851
- សរុប20637307