ខេត្តបន្ទាយមានជ័យកំពុងរីកដោះដាលតំបន់សក្តានុពលទេសចរណ៍ជាច្រើនកន្លែង
09-February-2018 | ដោយ ពលមនសិការ
បន្ទាយមានជ័យ ៖ ខេត្តបន្ទាយមានជ័យឆ្នាំ២០១៨នេះកំពុងរីកដោះដាលតំបន់សក្តានុពលទេសចរណ៍ដែលកំពុងទាក់ទាញភ្ញៀវជាតិអន្តរជាតិចូលមកកំសាន្តច្រើនមាននៅក្រុងសិរីសោភ័ណនិងប៉ោយប៉ែត។
ជាក់ស្តែងឃើញនៅសួនកំសាន្តដងស្ទឹងសិរីសោភ័ណកំពុងកសាងតំបន់សក្តានុពលទេសចរណ៍ស្ថិតភូមិរោងម៉ាស៊ីនសង្កាត់អូរអំបិល ក្រុងសិរីសោភ័ណ ដែលជាកន្លែងលែងទឹកសម្បនិមិតនិងកែច្នៃហើយកន្លែងអង្គុយកំសាន្តដងស្ទឹងសិរីសោភ័ណដែលកំពុងកសាងជាបណ្តើរៗ។
លោក ឈឿន សេរីវុធ អនុប្រធានមន្ទីរទេសចរណ៍ខេត្តបន្ទាយមានជ័យបានប្រាប់ថា ក្នុងខេត្តបន្ទាយមានជ័យនេះមានតំបន់រមណីយដ្ឋានទេសចរណ៍ចំនួន៥កន្លែងរួមមានទី១-តំបន់រម្មណីដ្ឋានភ្នំតូច, ទី២-តំបន់រមណីយដ្ឋានបន្ទាយនាង, ទី៣-តំបន់រមណីយដ្ឋានភ្នំបាក់, ទី៤-តំបន់រមណីយដ្ឋានភ្នំជញ្ជាំង, និងទី៥-តំបន់រមណីយដ្ឋានភ្នំកងវ៉ា ។
លោកបានបញ្ជាក់ថា តំបន់រមណីយដ្ឋានប្រវត្តិសាស្ត្រ២កន្លែងស្រុកថ្មពួក រួមមាន ទី១-តំបន់រមណីយដ្ឋានប្រាសាទបន្ទាយឆ្មារ និងទី២-តំបន់រមណីយដ្ឋានប្រាសាទបន្ទាយទ័ព និងតំបន់រមណីយដ្ឋានកែច្នៃមាន២កន្លែងរួមមាន ទី១-អាងត្រពាំងថ្មស្រុកភ្នំស្រុក និងទី២-សួនស្នេហ៍ជនបទក្រុងសិរីសោភ័ណ ហើយតំបន់សក្តានុពលទេចរណ៍ជាច្រើនកន្លែងមានក្រុងសិរីសោភ័ណនិងក្រុងប៉ោយប៉ែតដែលមានច្រើនជាងគេក្នុងខេត្តបន្ទាយមានជ័យ ៕
ចំនួនអ្នកទស្សនា
- ថ្ងៃនេះ11781
- ម្សិលមិញ10851
- សប្តាហ៍នេះ78301
- ខែនេះ193451
- ឆ្នាំនេះ193451
- សរុប20635907