ព្រោះតែជីវភាព បុរសម្នាក់ត្រូវឈើសង្កត់ស្លាប់យ៉ាងអណោចអធ័ម
12-February-2018 | ដោយ ពលមនសិការ
ព្រះវិហារ ៖ បុរសម្នាក់ចេញទៅរកអាឈើក្នុងព្រៃតែម្នាក់ឯង បាត់មួយយប់លុះព្រឹកឡើងត្រូវក្រុមគ្រួសារដើររក ក៏ប្រទះឃើញស្លាប់យ៉ាងអាណោចអាធ័មដោយសារឈើសង្កត់ពីលើ។
ហេតុការណ៍នេះបានកើតឡើងកាលពីវេលាម៉ោង៧ព្រឹកថ្ងៃទី១១ ខែកុម្ភៈ ឆ្នាំ២០១៨ ត្រង់ចំណុចស្រែតាកែវ ខាងលិចផ្លូវកៅស៊ូ ចម្ងាយ៥គីឡូម៉ែត្រ ស្ថិតក្នុងភូមិត្មាប៉ីយេ ឃុំព្រីងធំ ស្រុកជាំក្សាន្ត ខេត្តព្រះវិហារ។
លោក រួន យ៉េត អធិការនគបាលស្រុកជាំក្សាន្ត បានបញ្ជក់ថា ជនរងគ្រោះមានឈ្មោះ និច នៀត ភេទប្រុស អាយុ៣០ឆ្នាំ មុខរបរធ្វើស្រែ រស់នៅភូមិឃុំកើតហេតុខាងលើ។
លោកបន្តថាកាលពីថ្ងៃទី១០ ខែកុម្ភៈ ឆ្នាំ២០១៨ ជនរងគ្រោះ បានបើកគោយន្តកន្ត្រៃចេញពីផ្ទះ ហើយទៅរកកាត់ឈើក្នុងព្រៃក្បែស្រែខាងលិចផ្លូវកៅស៊ូ ចម្ងាយពីភូមិ៥គីឡូម៉ែត្រ តែមិនឃើញត្រឡប់មកផ្ទះវិញ លុះព្រឹកឡើងក្រុមគ្រួសារជនរងគ្រោះបានចេញទៅរក ក៏ប្រទះឃើញជនរងគ្រោះស្លាប់យ៉ាងអាណោចអាធ័ម ដោយសារឈើសង្កត់ពីលើ។ បច្ចុប្បន្នសពជនរងគ្រោះត្រូវបានក្រុមគ្រួសារនាំយកមកធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ381
- ម្សិលមិញ12921
- សប្តាហ៍នេះ381
- ខែនេះ194981
- ឆ្នាំនេះ194981
- សរុប20637437