កម្លាំងគ្រប់គ្រង់អាវុធជាតិផ្ទុះជាតិពុលចុះត្រួតពិនិត្យផ្សព្វផ្សាយណែនាំដល់បងប្អូនអាជីវករនៅតាមទីប្រជុំជនក្នុងក្រុងសៀមរាប
12-February-2018 | ដោយ ពលមនសិការ
សៀមរាប ៖ អនុវត្តតាមការណែនាំពីសំណាក់លោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្តនៅថ្ងៃទី១២ ខែកុម្ភៈ ឆ្នាំ២០១៨ កម្លាំងការិយាល័យគ្រប់គ្រង់អាវុធជាតិផ្ទុះជាតិពុល នៃស្នងការដ្ឋាននគរបាលខេត្តសហការជាមួយកម្លាំងអធិការនគរបាលក្រុងសៀមរាបនិងប៉ុស្តិ៍រដ្ឋបាលស្លក្រាមបានចុះត្រួតពិនិត្យណែនាំគ្រប់គ្រង់និងផ្សព្វផ្សាយដល់បងប្អូនអាជីវករនៅតាមទីប្រជុំជនបានធ្វើការណែនាំអប់រំតាមសេចក្តីណែនាំរបស់អគ្គស្នងការនគរបាលជាតិរបស់គណៈបញ្ជាការឯកភាពរដ្ឋបាលខេត្តក្រុងសៀមរាបស្តីអំពីការហាមនាំចូល លក់ទិញរំសេវគ្រឿងផ្ទុះផាវផ្សេងៗមកធ្វើអាជីវកម្មតាមទីផ្សារតាមផ្ទះតូបលក់ដូរផ្សេងៗនិងតាមទីសាធារណៈនិងហាមដុតកំសាន្តលេងឬអបអរសាទរក្នុងពិធីបុណ្យចូលឆ្នាំរបស់បងប្អូនចិន-វៀតណាមនាពេលខាងមុខ។
ក្នុងនោះកម្លាំងជំនាញការិយាល័យគ្រឿងផ្ទុះនិងជាតិពុលយើងបានណែនាំអប់រំផ្សព្វផ្សាយដល់អាជីវករក្នុងផ្សាអោយគាត់យល់ដឹងនូវផលប៉ះពាល់នៃការរក្សាទុក ដាក់តាំងលក់ការដុតផាវនិងកាំជ្រួចអបអរសាទរនាឱកាសបុណ្យចូលឆ្នាំបងប្អូនចិន-វៀតណាម នាពេលដ៏ខ្លីខាងមុខនេះកម្លាំងយើងបានធ្វើកិច្ចសន្យានិងកំណត់ហេតុដកហូតកាំជ្រួចគ្មានច្បាប់អនុញ្ញាតនិងផាវខុសច្បាប់ពីអាជីវករដែលលក់ក្នុងផ្សារក្នុងក្រុងសៀមរាបមានដូចខាងក្រោម៖ ផាវគ្រាប់បែកចំនួន៨៦០គ្រាប់, ផាវគ្រាប់បែកផ្សែងចំនួន១៤៤គ្រាប់, ផាវទទឹម បោកផ្ទុះចំនួន ០២ប្រអប់, ផាវខ្សែខ្លី ២ប្រអប់, ផាវគ្រាប់០២ ប្រអប់, ផាវខ្សែធំ០២ប្រអប់, ផាវខ្សែធំជាងគេ០១ប្រអប់និងកាំជ្រួចដើមចំនួន៤២ដើម,កាំជ្រួចហោះ១០០ដើមផងដែរ ៕
ចំនួនអ្នកទស្សនា
- ថ្ងៃនេះ6571
- ម្សិលមិញ8701
- សប្តាហ៍នេះ27511
- ខែនេះ89941
- ឆ្នាំនេះ692121
- សរុប21134577