លោក ជួង ស៊ាងហាក់ អញ្ជើញបិទវគ្គបំប៉នជំនាញស្តីពីតួនាទីភារកិច្ចប៉ុស្តិ៍នគរបាលរដ្ឋបាល
14-February-2018 | ដោយ ពលមនសិការ
ប៉ៃលិន ៖ នាព្រឹកថ្ងៃទី១៤ ខែកុម្ភៈ ឆ្នាំ២០១៨ នៅក្នុងសាលប្រជុំធំ នៃស្នងការដ្ឋាននគរបាលខេត្តប៉ៃលិន បានប្រារព្ធកម្មវិធី បិទវគ្គបំប៉នជំនាញស្តីពីតួនាទីភារកិច្ចប៉ុស្តិ៍នគរបាលរដ្ឋបាល ក្រោមអធិបតីភាពឯកឧត្ដម ឧត្ដមសេនីយ៍ឯក ជួង ស៊ាងហាក់ ប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល និងជាតំណាងដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោក ឧត្តមសេនីយ៍ត្រី ជា ចាន់ឌិន ស្នងការនគរបាលខេត្តប៉ៃលិន រួមនិងសិក្ខាកាម-កងកម្លាំងនគរបាលក្រោមឱវាទ ចូលរួមសរុបចំនួន ១២៨នាក់ (ស្រី ០៧នាក់)។
ក្នុងកម្មវិធីនេះផង ឯកឧត្ដម ឧត្ដមសេនីយ៍ឯក ជួង ស៊ាងហាក់ ប្រធាននាយកដ្ឋានកិច្ចការប៉ុស្តិ៍ នគរបាលរដ្ឋបាល បានមាន ប្រសាសន៍ និងណែនាំមួយដូចជាៈ កងកម្លាំងនគរបាលជាតិទាំងអស់ត្រូវខិតខំពង្រឹងនិងពង្រីកសមត្ថភាពដោយខ្លួនឯង, កងកម្លាំងនគរបាលត្រូវអនុវត្តកិច្ចការ តួនាទីភារកិច្ចផង និងត្រូវសិក្សាពង្រីកចំណេះដឹងផង (ចំណេះដឹង-ចំណេះធ្វើ), មន្ត្រីប៉ុស្តិ៍នគរបាលរដ្ឋបាលត្រូវខិតខំបម្រើ និងផ្តល់សេវា រដ្ឋបាល ជូនដល់ប្រជាពលរដ្ឋតាមមូលដ្ឋានអោយបានល្អ, ប្រសិនបើមូលដ្ឋានក្រុង-ស្រុក មានសន្តិសុខ សណ្តាប់ធ្នាប់ សាធារណៈ និងពុំមានបទល្មើសផ្សេងៗកើតឡើង នោះមានន័យថា អធិការនគរបាលក្រុង-ស្រុក មានសមត្ថភាព និងការដឹកនាំបានល្អ, ប៉ុស្តិ៍នគរបាលរដ្ឋបាលត្រូវគ្រប់គ្រងស្ថិតិប្រជាពលរដ្ឋនៅតាមមូលដ្ឋានឱ្យបាន, ត្រូវមានកិច្ចសហការល្អ ការឯកភាពគ្នា ជាមួយអាជ្ញាធរ មូលដ្ឋានគ្រប់ជាន់ថ្នាក់ ៕
ចំនួនអ្នកទស្សនា
- ថ្ងៃនេះ12541
- ម្សិលមិញ10851
- សប្តាហ៍នេះ79061
- ខែនេះ194211
- ឆ្នាំនេះ194211
- សរុប20636667