រថយន្តបុកជាមួយម៉ូតូបណ្តាលឲ្យរបួសធ្ងន់ស្ត្រីម្នាក់
14-February-2018 | ដោយ ពលមនសិការ
ស្វាយរៀង ៖ គ្រោះថ្នាក់ចរាចរណ៍មួយបានកើតឡើងរវាងរថយន្តកុងតឺន័រនិងម៉ូតូបណ្តាលឲ្យរបួសធ្ងន់ស្ត្រីម្នាក់កាលពីថ្ងៃទី១៣ ខែកុម្ភៈ ឆ្នាំ២០១៨ វេលាម៉ោង១៥និង០៥នាទីនៅចំណុចលើផ្លូវជាតិលេខ១ ចន្លោះគីឡូម៉ែត្រលេខ១៣៤-១៣៥ ស្ថិតក្នុងភូមិទួលអង្គប់ ឃុំសំបួរ ស្រុកស្វាយទាប ខេត្តស្វាយរៀង។
សមត្ថកិច្ចបានឲ្យដឹងថាតៃកុងរថយន្តកុងតឺន័រ ឈ្មោះ ហង់ ហន ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិត្រពាំងស្រង់ ឃុំស្ទុះ ស្រុកសំរោងទង ខេត្តកំពង់ស្ពឺ បានឃាត់ខ្លួននៅអធិការដ្ឋាននគរបាលស្រុកស្វាយទៀប បើកបររថយន្ត ម៉ាកហ៊ីយ៉ាន់ដាយ ពណ៌ ត្រួយចេក ស្លាកលេខ ភ្នំពេញ 3A-7209 ទិសដៅពីកើតទៅលិច ពេលមកដល់កន្លែងកើតហេតុបានបុកជាមួយម៉ូតូបើកបរដោយឈ្មោះ តូច ច្រឡឹង ភេទស្រី អាយុ៣២ឆ្នាំ ជនជាតិខ្មែរ មុខរបរ កម្មករ មានទីលំនៅ ភូមិសាមគ្គី សង្កាត់ស្វាយតឿ ក្រុងស្វាយរៀង ខេត្តស្វាយរៀង រងរបួសធ្ងន់ មិនពាក់មួក បើកបរម៉ូតូម៉ាក ហុងដាឌ្រីម ស៊េរីឆ្នាំ២០១៥ ពណ៌ខ្មៅ ស្លាកលេខ ស្វាយរៀង 1G-5610 ទិសដៅពីកើតទៅលិច ត្រូវបានយកទៅព្យាបាលនៅមន្ទីរពេទ្យខេត្តស្វាយរៀង។ ចំពោះម៉ូតូយកមករក្សាទុកនៅអធិការដ្ឋាននគរបាលស្រុកស្វាយទាប រឺឯរថយន្តកុងតឺន័រនៅ កន្លែងកើតហេតុ។ មូលហេតុអ្នកបើកបររថយន្តកុងតឺន័របើកបរក្នុងស្ថានភាពស្រវឹង៕
ចំនួនអ្នកទស្សនា
- ថ្ងៃនេះ12311
- ម្សិលមិញ10851
- សប្តាហ៍នេះ78831
- ខែនេះ193981
- ឆ្នាំនេះ193981
- សរុប20636437