នគរបាលប៉ុស្តិ៍គោគឃ្លាងឃាត់ខ្លួនជនសង្ស័យម្នាក់ប្រើប្រាស់គ្រឿងញៀន
14-February-2018 | ដោយ ពលមនសិការ
ភ្នំពេញ ៖ កម្លាំងនគរបាលប៉ុស្តិ៍រដ្ឋបាលគោកឃ្លាងបានឃាត់ខ្លួនជនសង្ស័យករណីប្រើប្រាស់សារធាតុញៀនខុសច្បាប់ នៅចំណុចតាមផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ កាលពីថ្ងៃទី១៣ ខែកុម្ភៈ ឆ្នាំ២០១៨ វេលាម៉ោង១៩និង៣០នាទី។
លោកវរសនីយ៍ទោ ហួរ ម៉េងវ៉ាង អធិការខណ្ឌបានឲ្យដឹងថាជនសង្ស័យឈ្មោះ ហេង មករា ភេទប្រុស អាយុ៣១ឆ្នាំ មុខរបរសន្តិសុខឯកជន ស្នាក់នៅបន្ទប់ជួលភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ។
លោកអធិការបន្តថា មុនពេលកើតហេតុសមត្ថកិច្ចប៉ុស្តិ៍គោកឃ្លាង បានធ្វើការល្បាតក្នុងភូមិសាស្ត្រចុះដល់ចំណុចកើតហេតុខាងលើ បានឃើញជនសង្ស័យ កំពុងឈ្លោះគ្នាជាមួយប្រពន្ធរបស់ខ្លួន បន្ទាប់មកសមត្ថកិច្ចយើងបាននាំខ្លួនជនសង្ស័យយកមកធ្វើការសាកសួរ និងត្រួតពិនិត្យទឹកនោមរកសារធាតុញៀន នៅប៉ុស្តិ៍រដ្ឋបាលគោកឃ្លាង។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ11381
- ម្សិលមិញ10851
- សប្តាហ៍នេះ77901
- ខែនេះ193051
- ឆ្នាំនេះ193051
- សរុប20635507