កាណូតបុកកាណូត បង្កឱ្យជនរងគ្រោះបែកក្បាលដេរ១៤ថ្នេរ
17-February-2018 | ដោយ ពលមនសិការ
បាត់ដំបង ៖ បុរសវ័យចំណាស់ម្នាក់ បានរងរបួសយ៉ាងធ្ងន់ធ្ងរនៅត្រង់ក្បាលផ្នែកខាងក្រោយរហូតត្រូវបានគ្រូពេទ្យដេរចំនួន ១៤ថ្នេរ ខណៈដែលជនរងគ្រោះកំពុងបើកបរកាណូតនៅលើផ្ទៃទឹក នាបឹងទន្លេសាបដើម្បីនេសាទ្រត្រី ស្រាប់តែមានកាណូតមួយគ្រឿងផ្សេងទៀតបើកមកបុកយ៉ាងពេញទំហឹងតែម្តង។
ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង ៧ និង១៥នាទីថ្ងៃទី១៦ ខែកុម្ភៈ ឆ្នាំ២០១៨ នៅចំណុចភូមិ ព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបងរវាងកាណូតស្មាច់ ( កម្លាំង១៨សេះ ) ជាមួយនឹងកាណូតម៉ាស្តា ( កម្លាំង៣០សេះ ) ដែលបង្កឡើងដោយឈ្មោះ សុខ ជុំ ភេទ ប្រុស អាយុ ១៦ ឆ្នាំ មុខរបរ នេសាទ្រ រស់នៅភូមិឃុំខាងលើ ( អ្នកបើកកាណូតម៉ាស្តា )។
យោងតាមរបាយការណ៍របស់សមត្ថកិច្ចបានឱ្យដឹងថា នៅមុនពេលកើតហេតុគឺ ជនរងគ្រោះឈ្មោះ កុង ហឿង ភេទប្រុស អាយុ ៦៥ឆ្នាំ មុខរបរ នេសាទ្រ រស់នៅភូមិឃុំជាមួយគ្នា កំពុងបើកកាណូតនិងធ្វើការនេសាទ្រតែឯង នាដៃទន្លេសាបក្នុងភូមិសាស្ត្រខាងលើ ។
របាយការណ៍បានបន្តថា រំពេចនោះក៏ស្រាប់តែមានកាណូតម៉ាស្តារបស់ជនបង្ក បានបើកយ៉ាងលឿន ហើយបានជ្រុលទៅបុកពីចំហៀងទៅលើកាណូតជនរងគ្រោះ បណ្តាលឱ្យបុរសវ័យចំណាស់ដួលផ្ងាក្រោយបោកក្បាលទៅនឹងដែកកាណូត បែកក្បាលយ៉ាងដំណំ ព្រមទាំងបានបញ្ជូនទៅកាន់មន្ទីរពេទ្យភ្លាមៗនោះដែរ ដោយក្រុមគ្រូពេទ្យបានធ្វើសកម្មភាពដេរត្រង់មុខរបួសនោះចំនួន១៤ថ្នេរ ដោយបច្ចុប្បន្ន ជនរងគ្រោះត្រូវបានសាច់ញាតិយកទៅសម្រាកព្យាបាលនៅឯមន្ទីរពេទ្យខេត្តសៀមរាប ចំណែកកាណូតទាំងពីរគ្រឿងត្រូវបានសមត្ថកិច្ចនាំយកទៅរក្សាទុកនៅស្នាក់ការចរាចរណ៍ជើងទឹក ដើម្បីរង់ចាំធ្វើការដោះស្រាយជាក្រោយ៕
ចំនួនអ្នកទស្សនា
- ថ្ងៃនេះ11971
- ម្សិលមិញ10851
- សប្តាហ៍នេះ78491
- ខែនេះ193641
- ឆ្នាំនេះ193641
- សរុប20636097