ប្តីផឹកស្រាស្រវឹងខឹងប្រពន្ធជេរស្តីបន្ទោស យកដំបូងវាយនិងកាំបិតខ្វែវអារកសម្លាប់ចោល
19-February-2018 | ដោយ ពលមនសិការ
ឧត្តរមានជ័យ ៖ បុរសម្នាក់ត្រូវបានកម្លាំងនគរបាលឃាត់ខ្លួនពាក់ព័ន្ធករណីឃាតកម្មនៅចំណុចចំការដំឡូងមី ព្រៃបីគីឡូ ស្ថិតនៅក្នុងភូមិទំនប់អភិវឌ្ឍន៍ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ កាលពីវេលាម៉ោង០៣និង៤៥នាទីរសៀល ថ្ងៃទី១៨ ខែកុម្ភៈ ឆ្នាំ២០១៨។
សមត្ថកិច្ចបានឲ្យដឹងថាជនសង្ស័យឈ្មោះ លាវ សាមី ភេទប្រុស អាយុ ៤៦ឆ្នាំ រស់នៅភូមិពាមក្នុង ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ បានយកដំបងឈើវាយទៅលើប្រពន្ធ ឈ្មោះ ស៊ីន ឆេន ភេទស្រី អាយុ ៤៣ឆ្នាំ មានកូនចំនួន០៥នាក់ ស្រី០២នាក់ រស់នៅភូមិ-ឃុំខាងលើជាមួយគ្នា បណ្តាលឱ្យត្រូវចំផ្នែកខាងក្រោយចំនួន០៣ដំបង រួចហើយជនសង្ស័យបានយក កាំបិតខ្វែវអារដាច់កប្រវែង ០៨សង្ទីរម៉ែត្រ បណ្តាលឲ្យស្លាប់នៅហ្នឹងកន្លែងកើតហេតុ។
លោកវរសេនីយ៍ឯក អ៊ិន កាយ អធិការនគរបាលស្រុកបានឲ្យដឹងថាដោយមូលហេតុជនសង្ស័យស្រវឹងស្រាខឹងប្រពន្ធជេរស្តីបន្ទោស ទើបជនសង្ស័យ វាយប្រពន្ធនិងដំបូងរួចយកកាំបិតខ្វែវអារកសម្លាប់តែម្តងទៅ។
លោកអធិការនគរបាលស្រុក បានបន្តទៀតថា ករណីនេះ ក្រោយពីកើតហេតុ លោកអធិការ បានដឹកនាំកម្លាំងជំនាញ ចុះទៅធ្វើការឃាត់ខ្លួនជនសង្ស័យបានភ្លាមៗនៅវេលាម៉ោង០៤និង៥០នាទីល្ងាច ថ្ងៃ ខែ ឆ្នាំដដែល។ បច្ចុប្បន្នសមត្ថកិច្ចជំនាញកំពុងកសាងសំណុំរឿងចាត់ការទៅតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ12011
- ម្សិលមិញ10851
- សប្តាហ៍នេះ78531
- ខែនេះ193681
- ឆ្នាំនេះ193681
- សរុប20636137