សិស្សសាលានៅអនុវិទ្យាល័យសនិ្តភាព ៦នាក់ ដួលសន្លប់ ស្រុកសាលាក្រៅ
21-February-2018 | ដោយ ពលមនសិការ
ប៉ៃលិន ៖ សិស្សសាលាចំនួន ៦នាក់ រៀននៅសាលាអនុវិទ្យាល័យសន្តិភាព ស្ថិតនៅក្នុងភូមិក្ងោក ឃុំស្ទឹងកាច់ ស្រុកសាលាក្រៅ ខេត្តប៉ៃលិន បានដួលសន្លប់ទន់ដៃទន់ជើងនៅព្រឹកព្រឹក ថ្ងៃពុធ ០៧កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២១ ខែកុម្ភៈ ឆ្នាំ២០១៨។
សមត្ថកិច្ចមូលដ្ឋានបានឲ្យដឹងថាយុវសិស្សដែលដួលសន្លប់រួមមានទី១- ឈ្មោះ ឌឿម ស្រីដែន អាយុ ១៤ឆ្នាំ រៀនថ្នាក់ទី ៧ B, ទី២- ឈ្មោះ ង៉ែត ស្រីពៅ អាយុ ១៦ឆ្នាំ រៀនថ្នាក់ទី ៧B, ទី៣- ឈ្មោះ ស៊ុយ សៀកម៊ី អាយុ ១១ឆ្នាំ រៀនថ្នាក់ទី ៧B, ទី៤- ឈ្មោះ អូង ធីណា អាយុ ១២ឆ្នាំ រៀនថ្នាក់ទី ៧B, ទី៥- ឈ្មោះ ភី ចាន់ផល អាយុ ១២ឆ្នាំ រៀនថ្នាក់ទី ៧A និងទី៦- ឈ្មោះ ដេម សៀកម៊ី អាយុ ១៣ឆ្នាំ រៀនថ្នាក់ទី ៧A។
បើតាមការសាកសួរពីយុវសិស្សទី១ បានប្រាប់ថា រូបគេបានឈឺមកពីផ្ទះមិនសូវស្រួលខ្លួនដល់ពេលមកដល់សាលារៀនធ្វើឲ្យអស់កម្លាំងទន់ដៃទន់ជើង ដោយឡែកចំពោះយុវសិស្សទាំង ៥នាក់ ផ្សេងទៀតដែលបានកើតអាការដួលសន្លប់ទន់ដៃទន់ជើងដូចគ្នានេះ បានប្រាប់ថា ពួកគេបានចូលទៅបណ្ណាល័យហើយបានចេញទៅរត់លេងក្បែរតុដែលទើបនិងបាញ់ថ្នាំថ្មីៗដែលមានធំក្លិនថ្នាំ មួយសន្ទុះក្រោយមកពួកគេទាំង ០៥នាក់ នោះ ក៏បានកើតអាការដួលសន្លប់ទន់ដៃទន់ជើង។ គួរបញ្ជាក់ផងដែរ ពួកគេទាំង ០៦នាក់ នេះសុទ្ធតែធ្លាប់បានកើតអាការនេះ ពីរបីដងរួចមកហើយ ៕
ចំនួនអ្នកទស្សនា
- ថ្ងៃនេះ10121
- ម្សិលមិញ10851
- សប្តាហ៍នេះ76641
- ខែនេះ191791
- ឆ្នាំនេះ191791
- សរុប20634247