ពិធីសម្ពោធកាត់ខ្សែបូដាក់ឲ្យប្រើប្រាស់ម៉ាស៊ីនស្គែន(MRI)សម្រាប់ពិនិត្យសុខភាពប្រជាពលរដ្ឋទូទៅនៅមន្ទីរពេទ្យបង្អែកខេត្តពោធិ៍សាត់
27-February-2018 | ដោយ ពលមនសិការ
ពោធិ៍សាត់ ៖ នៅព្រឹកថ្ងៃអង្គារ ១៣កើត ខែផល្គុន ឆ្នាំរកា នព្វសក័ ព.ស២៥៦១ត្រូវនឹងថ្ងៃទី២៧ ខែកុម្ភៈ ឆ្នាំ២០១៨ លោកឧត្តមសេនីយ៍ត្រី ញ៉ែម ណារ័ត្ន ស្នងការរង ផែនភស្តុភារ និងហិរញ្ញវត្ថុ តំណាងដ៏ខ្ពង់ខ្ពស់ លោកឧត្តមសេនីយ៍ទោសារុន ចាន់ធី ស្នងការនគរបាលខេត្ត បានអញ្ជើញចូលរួមសម្ពោធ កាត់ខ្សែបូដាក់ ឲ្យប្រើប្រាស់ម៉ាស៊ីនស្គែន(MRI) សម្រាប់ពិនិត្យសុខភាពជូនប្រជាពលរដ្ឋទូទៅក្នុងខេត្ត វិធីនេះប្រារព្ធធ្វើឡើងនៅមន្ទីរពេទ្យបង្អែកខេត្តពោធិ៍សាត់ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្តពោធិ៍សាត់។
ថ្លែងក្នុងពិធីសម្ពោធនេះឯកឧត្តមបណ្ឌិតបានមានប្រសាសន៍ផ្តាំផ្ញើដល់ក្រុមគ្រូពេទ្យឲ្យយកចិត្តទុក្ខដាក់ពិនិត្យជំងឺជូនប្រជាពលរដ្ឋប្រកបដោយក្រមសីលធម៌ វិជ្ជាជីវៈ និងចេះប្រើប្រាស់ម៉ាស៊ីនស្គែន(MRI)ដើម្បីជួយសង្គ្រោះអ្នកជំងឺឲ្យរួចផុតពីការសា្លប់បាត់បង់ជីវិតដោយយើងមិនបានយកចិត្តទុកដាក់នោះឡើយ។ ឯកឧត្តមបណ្ឌិតអភិបាលខេត្តបានមានប្រសាសបន្តទៀតថា នេះជាមោទនភាពយ៉ាងធំធេងមួយសម្រាប់មន្ទីរពេទ្យខេត្តពោធិ៍សាត់យើងដែលពីមុនមកមិនដែលមានម៉ាស៊ីនស្គែន(MRI)សម្រាប់ពិនិត្យសុខភាពជូនអ្នកជំងឺឡើយ មានតែនៅមន្ទីរពេទ្យនៅរាជធានីភ្នំពេញតែប៉ុណ្ណោះ៕
ចំនួនអ្នកទស្សនា
- ថ្ងៃនេះ9831
- ម្សិលមិញ10851
- សប្តាហ៍នេះ76351
- ខែនេះ191501
- ឆ្នាំនេះ191501
- សរុប20633957