រថយន្ត មួយគ្រឿងដឹកឈើប្រណិតចំនួន២២ដុំត្រូវបានបញ្ជូនទៅសាលាដំបូងខេត្តបន្ទាយមានជ័យ
27-February-2018 | ដោយ ពលមនសិការ
បន្ទាយមានជ័យ ៖ រថយន្ត មួយគ្រឿងដឹកឈើប្រណិតចំនួន២២ដុំ ត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី២៧ ខែកុម្ភៈ ឆ្នាំ២០១៨។
មន្ត្រីនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានប្រាប់ថាកាលពីថ្ងៃទី២២ ខែកុម្ភៈ ឆ្នាំ២០១៨ កន្លងទៅជិត១សប្តាហ៍នៅតាមបណ្តោយផ្លូវជាតិលេខ៥ ចំណុចស្រះអ៊ិនតាំស្ថិតភូមិ.សង្កាត់ទឹកផ្លា ក្រុងសិរីសោភ័ណ។
កម្លាំងនគរបាលចរាចរណ៍ជើងគោកខេត្តបានឃាត់រថយន្តកូរ៉េមួយគ្រឿងប្រភេទទេសចរណ៍ពណ៌ខ្មៅពាក់ស្លាក់លេខ ភ្នំពេញ 2M-2435 ដែលដឹកឈើប្រណិតចំនួន២២ដុំ មានប្រវែង២ម៉ែត្រ២០ដុំ និងប្រវែង១ម៉ែត្រ២ដុំដែលអ្នកបើកបរនិងម្ចាស់គេចខ្លួនបាត់។
មន្ត្រីនគរបាលរូបនោះបានបញ្ជាក់ថា ក្រោយពេលដែលប្រគល់ជូនកម្លាំងនគរបាលប្រឆាំងបទល្មើសសេដ្ឋកិច្ចខេត្តបានកសាងសំណុំរឿងបញ្ជូនរថយន្តមួយគ្រឿងដែលដឹកឈើប្រណិត២២ដុំទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់៕
ចំនួនអ្នកទស្សនា
- ថ្ងៃនេះ9631
- ម្សិលមិញ10851
- សប្តាហ៍នេះ76151
- ខែនេះ191301
- ឆ្នាំនេះ191301
- សរុប20633757