ជនល្មើសដែលសម្លាប់ស្ត្រីម៉ាស្សានៅក្នុងបន្ទប់ម៉ាស្សាយីហោ«លីដាម៉ាស្សាខ្មែរ» ត្រូវនគរបាលខេត្តកំពតចាប់ខ្លួនបានហើយ
28-February-2018 | ដោយ ពលមនសិការ
កំពត ៖ លោកឧត្តមសេនីយ៍ទោ ម៉ៅ ច័ន្ទមធុរិន្ទ ស្នងការខេត្តកំពតបានឲ្យដឹងថានៅព្រឹកថ្ងៃទី២៨ ខែកុម្ភៈ ឆ្នាំ២០១៨ នេះថា ជនសង្ស័យម្នាក់ដែលមានសញ្ជាតិអឺរ៉ុបម្នាក់ត្រូវបានកម្លាំងនគរបាលជំនាញព្រហ្មទណ្ឌខេត្តសហការជាមួយកម្លាំងនគរបាលក្រុងកំពត បានឃាត់ខ្លួនពាក់ព័ន្ធករណីឃាតកម្មសម្លាប់នារីម៉ាស្សាម្នាក់នៅខេត្តកែប។
លោកឧត្តមសេនីយ៍ទោ ស្នងការបានបន្តថាជនសង្ស័យឈ្មោះ SANCHEZ SHAWN DANIEL ជនជាតិអាមេរិក អាយុ២៥ឆ្នាំ។បច្ចុប្បន្នជនសង្ស័យត្រូវបានកម្លាំងនគរបាលខេត្តកំពត ធ្វើឯកសារប្រគល់ជូននគរបាលខេត្តកែប ដើម្បីបន្តនីតិវិធី។
សូមបញ្ជាក់ថាៈ ស្ត្រីម្នាក់ត្រូវបានជនសង្ស័យអារកសម្លាប់នៅក្នុងបន្ទប់ម៉ាស្សាយីហោ«លីដាម៉ាស្សាខ្មែរ» នៅផ្សារក្តាមក្នុងភូមិថ្មី សង្កាត់ព្រៃធំ ក្រុងកែប នៅវេលម៉ោងប្រហែល៨យប់ថ្ងៃទី២៧ ខែកុម្ភៈ ឆ្នាំ២០១៨។
លោកឧត្តមសេនីយ៍ទោ អ៊ីង សំអុល ស្នងការនគរបាលខេត្តកែបបានឲ្យដឹងថាជនរងគ្រោះឈ្មោះ លុច គាន អាយុ
២៧ឆ្នាំ មុខរបរអ្នកម៉ាស្សា ប្តី ឈ្មោះ ប៉ក់ សូនវិបុល អាយុ ២៧ឆ្នាំ មុខរបរធ្វើស្រែមានកូនស្រីម្នាក់ អាយុ៨ខែ។ ឪពុកក្មេក ស្ត្រីរងគ្រោះឈ្មោះ សុខ សំអាត វរសេនីយ៍ទោបញ្ជាការរងអាវុធហត្ថខេត្តកែប។
លោកឧត្តមសេនីយ៍ទោ ស្នងការបានបន្តថា ជនរងគ្រោះស្លាប់ដោយជនល្មើសរំលោភមិនបានសម្រេចហើយអារកសម្លាប់។ ក្រោយកើតហេតុកម្លាំងជំនាញបានធ្វើកោសល្យវិច្ច័យនិងបានប្រគល់សពជូនក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ8991
- ម្សិលមិញ10851
- សប្តាហ៍នេះ75511
- ខែនេះ190661
- ឆ្នាំនេះ190661
- សរុប20633117