អភិបាលក្រុងថ្មីបានសហការគណៈកម្មាការច្រកទ្វារអន្តរជាតិប៉ោយប៉ែតរៀបចំសណ្តាប់ធ្នាប់និងសន្តិសុខសម្រាប់ភ្ញៀវជាតិនិងអន្តរជាតិល្អជាងមុន
01-March-2018 | ដោយ ពលមនសិការ
បន្ទាយមានជ័យ ៖ អភិបាលក្រុងថ្មីបានសហការគណៈកម្មាការច្រកទ្វារអន្តរជាតិប៉ោយប៉ែតរៀបចំសណ្តាប់ធ្នាប់និងសន្តិសុខសម្រាប់ភ្ញៀវជាតិនិងអន្តរជាតិល្អជាងមុនដែលអាចទាក់ទាញភ្ញៀវចូលមកកម្ពុជា។
ជាក់ស្តែងនៅថ្ងៃទី០១ ខែមីនា ឆ្នាំ២០១៨ នៅច្រកទ្វារអន្តរជាតិប៉ោយប៉ែតខេត្តបន្ទាយមានជ័យ ឃើញសកម្មភាពផ្លូវចេញចូលច្រកទ្វារកម្ពុជា-ថៃមានសណ្តាប់ធ្នាប់និងសន្តិសុខល្អប្រសើរជាងមុនក្រោយពេលលោក សាន ស៊ានហូរ អភិបាលក្រុងប៉ោយប៉ែតបានទទួលភារកិច្ចថ្មីបានរៀបចំ។
លោក វួច អូន ប្រធានគណៈកម្មាធិការច្រកទ្វារអន្តរជាតិប៉ោយប៉ែតបានឲ្យដឹងថា នៅច្រកទ្វារអន្តរជាតិប៉ោយប៉ែតអាជ្ញាធរក្រុងប៉ោយប៉ែតបានសហការជាមួយមន្ត្រីគណៈកម្មាធិការច្រកទ្វារអន្តរជាតិបានរៀចំសណ្តាប់ធ្នាប់ និងការពារសន្តិសុខបានល្អប្រសើរ។ ស្របពេលដែលរាជរដ្ឋាភិបាលកម្ពុជាបានកសាងខ្លោងទ្វារនិងអគារថ្មីសម្រាប់មន្ត្រីជំនាញបម្រើការងារបម្រើប្រជាពលរដ្ឋនិងភ្ញៀវជាតិនិងអន្តរជាតិដែលឆ្លងកាត់ច្រកទ្វារអន្តរជាតិប៉ោយប៉ែត។
លោក ឈឿន សេរីវុធ អនុប្រធានមន្ទីរទេសចរណ៍ខេត្តបានបញ្ជាក់ថាច្រកទ្វារអន្តរជាតិប៉ោយប៉ែតភ្ញៀវទេសចរណ៍ឆ្លងកាត់ចូលមកកម្ពុជានៅអំឡុងខែមករា ឆ្នាំ២០១៨ មានចំនួន៤៩,៥០៧នាក់ បើប្រៀបធៀបខែធ្នូ ឆ្នាំ២០១៧មានចំនួន៥០,២០៥នាក់។
លោក លី សារី អភិបាលរងខេត្តបន្ទាយមានជ័យបានប្រាប់ថា ដោយបានការយកចិត្តទុកដាក់ពីប្រមុខរាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានកសាងខ្លោងទ្វារនិងអគារច្រកទ្វារអន្តរជាតិប៉ោយប៉ែតថ្មី ដើម្បីរៀបចំអោយមានសោភ័ណភាពនិងមានសណ្តាប់ធ្នាប់សន្តិសុខល្អប្រសើរស្របតាមគោនយោបាយរបស់រាជរដ្ឋាភិបាលកម្ពុជា ៕
ចំនួនអ្នកទស្សនា
- ថ្ងៃនេះ8671
- ម្សិលមិញ10851
- សប្តាហ៍នេះ75191
- ខែនេះ190341
- ឆ្នាំនេះ190341
- សរុប20632797