នគរបាលឃាត់ខ្លួនជនជាតិវៀតណាម១៩នាក់ រស់នៅគ្មានឯកសារត្រឹមត្រូវ
02-March-2018 | ដោយ ពលមនសិការ
ភ្នំពេញ ៖ ជនជាតិវៀតណាម១៩នាក់ក្នុងនោះមានស្រី៣នាក់ផងដែរ ត្រូវបានកម្លាំងនគរបាលឃាត់ខ្លួនពាក់ព័ន្ធគ្មានឯកសារត្រឹមត្រូវ នៅថ្ងៃសុក្រ ១រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០២ ខែមីនា ឆ្នាំ២០១៨ វេលាម៉ោង ០៩និង៣០នាទី។
លោកវរសេនីយ៍ទោ ជា ចិត្រា នាយការិយាល័យស៊ើបអង្កេតនិងអនុវត្តនីតិវិធីបានឲ្យដឹងថាដោយបានការអនុញ្ញាតពី លោកឧត្ដមសេនីយ៍ទោ ស្នងការរងទទួលផែនអន្ដោរប្រវេសន៍ នៃស្នងការដ្ឋាននគរបាលរាជធានីភ្នំពេញ ការិយាល័យស៊ើបអង្កេតនិងអនុវត្តនីតិវិធី ដឹកនាំដោយ លោកអនុសេនីយ៍ឯក វង្ស ខេមរា ជានាយរងការិយាល័យ បានចុះសហការជាមួយនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ និងកម្លាំងសមត្ថកិច្ចមូលដ្ឋានខណ្ឌចំការមន មានការដឹកនាំដោយលោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញនឹងលោក លឹម ស៊ាងហៃ ក្រឡាបញ្ជី ចុះត្រួតពិនិត្យ ជនជាតិវៀតណាម ដែលលួចឆ្លងដែននិងកំពុងស្នាក់នៅធ្វើការងារខុសច្បាប់ស្ថិតនៅសិប្បកម្មឈើ និងអាជីវកម្មផ្សេងៗ សង្កាត់បឹងត្របែក ខណ្ឌចំការមន។
លោកនាយការិយាល័យបន្តថាជាលទ្ធផល ពិនិត្យឃើញមាន ជនជាតិវៀតណាម សរុបចំនួន១៩នាក់ (ស្រី០៣នាក់) គ្មានលិខិតឆ្លងដែន ត្រូវបានឃាត់ខ្លួនបញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់៕
ចំនួនអ្នកទស្សនា
- ថ្ងៃនេះ9051
- ម្សិលមិញ10851
- សប្តាហ៍នេះ75571
- ខែនេះ190721
- ឆ្នាំនេះ190721
- សរុប20633177