កម្លាំងការិយាល័យព្រហ្មទណ្ឌកម្រិតស្រាលបញ្ជូនជនសង្ស័យម្នាក់ទៅឲ្យស្នងការខេត្តកំពង់ធំពាក់ព័ន្ធករណីលួចរថយន្ត
05-March-2018 | ដោយ ពលមនសិការ
ភ្នំពេញ ៖ នៅព្រឹកថ្ងៃទី០៥ ខែមីនា ឆ្នាំ២០១៨ កម្លាំងជំនាញរបស់ការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញបានបញ្ជូនសង្ស័យម្នាក់ទៅឲ្យស្នងការខេត្តកំពង់ធំ ពាក់ព័ន្ធករណីលួចរថយន្ត។
លោកវរសេនីយ៍ឯក ប៊ុន សត្យា នាយការិយាល័យព្រហ្មទណ្ឌិកម្រិតស្រាល នៃស្នងការដ្ឋាននគរបាលរាជធានីភ្នំពេញបានឲ្យដឹងថាកាលពីថ្ងៃទី០២ ខែមីនា ឆ្នាំ ២០១៨ វេលាម៉ោង ១៨និង៤០នាទី កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញធ្វើស្រាវជ្រាវឃាត់ជនសង្ស័យម្នាក់និងរថយន្តមួយគ្រឿងម៉ាកCamry ពណ៌ ទឹកមាស ឆ្នាំផលិត១៩៩៧ ពាក់ស្លាកលេខ ភ្នំពេញ 2M-2895 នៅចំណុច យានដ្ឋានជួសជុលរថយន្តយីហោ ខ្លាឃ្មុំ ដីឡូតិ៍លេខ ២៥B ផ្លូវព្រះស៊ីសុវត្ថិ ភូមិ១៣ សង្កាត់ស្រះចក ខណ្ឌដូនពេញ ដែលជនសង្ស័យបានធ្វើសកម្មភាព លួច កាលពីថ្ងៃទី២៤ ខែកុម្ភៈ ២០១៨ នៅចំណុចភូមិជ័យមង្គល ឃុំជ្រាប់ ស្រុកសន្ទុក ខេត្តកំពង់ធំ ។
លោកវរសេនីយ៍ឯក នាយការិយាល័យព្រហ្មទណ្ឌិកម្រិតស្រាល នៃស្នងការដ្ឋាននគរបាលរាជធានីភ្នំពេញបានឲ្យដឹងថា ជនសង្ស័យឃាត់បានឈ្មោះ ម៉ាន សតើត ភេទប្រុស អាយុ៣២ឆ្នាំ ជនជាតិ ខ្មែ-ចាម មុខរបរ រត់តាក់ស៊ីស្នាក់នៅភូមិពង្រ១ ឃុំពង្រ ស្រុកឆ្លូង ខេត្តក្រចេះ។
ភស្តុតាងចាប់យកៈ រថយន្តមួយគ្រឿងម៉ាក Camry ពណ៌ ទឹកមាស ឆ្នាំផលិត១៩៩៧ លេខតួ៧៤៨៩៧៦ លេខម៉ាស៊ីន ៦០៨០០៣៦ ពាក់ស្លាកលេខភ្នំពេញ2M-2895 ជនរងគ្រោះ ឈ្មោះ ស៊ឹម ប៊ុនហួរ ភេទប្រុស អាយុ៣៩ឆ្នាំ ជនជាតិ ខ្មែរ មុខរបរ ស្មៀនឃុំជ្រាប់ស្នាក់នៅភូមិជ័យមង្គល ឃុំជ្រាប់ ស្រុកសន្ទុក ខេត្តកំពង់ធំ ៕
ចំនួនអ្នកទស្សនា
- ថ្ងៃនេះ8931
- ម្សិលមិញ10851
- សប្តាហ៍នេះ75451
- ខែនេះ190601
- ឆ្នាំនេះ190601
- សរុប20633057