រថយន្តក្រុងបុកត្រាក់ទ័របណ្តាលឱ្យរបួសធ្ងន់ម្នាក់ ស្រុកសាលាក្រៅ
07-March-2018 | ដោយ ពលមនសិការ
ប៉ៃលិន ៖ គ្រោះថ្នាក់ចរាចរណ៍មួយបានកើតឡើងរវាងរថយន្តក្រុងបុកជាមួយត្រាក់ទ័រ បណ្តាលឲ្យរបួសធ្ងន់ម្នាក់។ហេតុការណ៍គ្រោះថ្នាក់ខាងលើបានកើតឡើងកាលពីថ្ងៃទី០៦ ខែមីនា ឆ្នាំ២០១៨ វេលាម៉ោង១៦និង២០នាទី នៅចំណុចភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន។
សមត្ថកិច្ចបានឱ្យដឹងថាជនរងគ្រោះឈ្មោះ ម៉ង សុធា ភេទប្រុស អាយុ ២៨ឆ្នាំ រស់នៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន (រងរបួសធ្ងន់-បាក់ដៃឆ្វេង) ត្រូវបានយកទៅព្យាបាលនៅមន្ទីរពេទ្យបង្អែកខេត្តភ្លាមៗ ជាអ្នកបើកបរត្រាក់ទ័រ ចំណែកភាគីម្ខាងទៀតពុំទាន់ស្គាល់អត្តសញ្ញាណនៅឡើយ ដោយបើកបរ រថយន្ត ក្រុងពណ៌លឿង ពាក់ស្លាកលេខ សៀមរាប 3A-2405 បានរត់គេចខ្លួនក្រោយកើតហេតុ។ បច្ចុប្បន្នវត្ថុតាងត្រូវបាន រក្សាទុកនៅអធិការដ្ឋាននគរបាលស្រុកសាលាក្រៅ ដើម្បីរងចាំការដោះស្រាយ ៕
ចំនួនអ្នកទស្សនា
- ថ្ងៃនេះ8051
- ម្សិលមិញ10851
- សប្តាហ៍នេះ74571
- ខែនេះ189721
- ឆ្នាំនេះ189721
- សរុប20632177