នគរបាលស្រុកថ្ពងបង្ក្រាបករណីជួញដូរគ្រឿងញៀន តែជនសង្ស័យរត់គេចខ្លួនបាត់
08-March-2018 | ដោយ ពលមនសិការ
កំពង់ស្ពឺ ៖ កម្លាំងនគរបាលអធិការស្រុកថ្ពងសហការជាមួយកម្លាំងប៉ុស្តិ៍នគរបាលអមលាំង បង្ក្រាបបទល្មើសគ្រឿងញៀនខុសច្បាប់ ចាប់បានតែវត្ថុតាង ចំណែកមុខសញ្ញាត្រូវបានរត់គេចខ្លួនបាត់។ ប្រតិបត្តិការខាងលើបានធ្វើឡើងកាលពីថ្ងៃទី០៧ ខែមីនា ឆ្នាំ២០១៨ វេលាម៉ោង១៤និង៣០នាទី នៅចំណុចភូមិអូរអង្គំ ឃុំអមលាំង ត្រង់ចំណុចផ្លូវលំចូលទៅភូមិក្រាំងដូង ហៅព្រៃកប់ខ្មោច។
សមត្ថកិច្ចបានឲ្យដឹងថាមុនពេលបង្ក្រាបករណីខាងលើកម្លាំងសមត្ថកិច្ចបានធ្វើការល្បាតក្នុងមូលដ្ឋានពេលមកដល់ចំណុចខាងលើ បានប្រទះឃើញមនុស្ស ២នាក់ សង្ស័យជាក្រុមមុខសញ្ញាជួញដូរគ្រឿងញៀន ពេលនោះជនសង្ស័យបានក្រលេកឃើញសមត្ថកិច្ចក៏បានជិះម៉ូតូគេចខ្លួនបាត់ កម្លាំងក៏ដេញតាម ពួកវាក៏បានទម្លាក់ថង់ម្សៅក្រាមថ្លា ២ កញ្ចប់ សង្ស័យថ្នាំញៀននៅកន្លែងនោះ ឃើញដូច្នេះកម្លាំងបានដេញតាមជនសង្ស័យរហូតមកដល់ផ្ទះរបស់ឈ្មោះ សាន សុធារ៉ា ហៅខ្នា ភេទប្រុស អាយុ២៧ឆ្នាំនៅភូមិថ្នល់បំបែក ឃុំ អមលាំង ស្រុក ថ្ពង ជាមុខសញ្ញាចាស់ ជួញដូរគ្រឿងញៀនដ៏សកម្ម ក៏បានបាត់ខ្លួននៅទីនោះ។ បន្ទាប់មកយើងសង្ស័យថាជនសង្ស័យលាក់ខ្លួននៅក្នុងផ្ទះនោះ ក៏បានសុំការអនុញ្ញាតពីបងស្រីបង្កើតរបស់ឈ្មោះ សាន សុធារ៉ា ធ្វើកាឆែកផ្ទះ គាត់ក៏យល់ព្រមឲ្យធ្វើការឆែកឆេរ ពេលនោះឈ្មោះសាន សុធារ៉ា មិននៅផ្ទះទេ ពេលឆែកឆេររកឃើញម្សៅក្រាមពណ៌សសង្ស័យថ្នាំញៀនចំនួន១កញ្ចប់ធំ, ដែក កេះចំនួន៩, ជញ្ជីងថ្លឹងថ្នាំញៀនចំនួន១ ដបទឹកសុទ្ធចំនួន ៤ ក្រដាសអាលុយមីញ៉ូម មួយដុំ កន្ត្រៃ ២ ទុយោជ័រ ថង់សំរាប់ច្រកថ្នាំ មួយចំនួនធំ។ ករណីខាងលើ ម្ចាស់ផ្ទះបានទទួលស្គាល់ថា សម្ភារៈដែលបានរកឃើញពិតជារបស់ប្អូននៅក្នុងផ្ទះប្រាកដមែនជំនាញកសាងសំណុំចាត់ការតាមនិតិវិធី៕
ចំនួនអ្នកទស្សនា
- ថ្ងៃនេះ9491
- ម្សិលមិញ10851
- សប្តាហ៍នេះ76011
- ខែនេះ191161
- ឆ្នាំនេះ191161
- សរុប20633617