ក្រុមហ៊ុនបៃតងទិញស្រូវឆ្នាំ២០១៧-២០១៨នេះ ទិញស្រូវបានជាង១សែនតោន
21-March-2018 | ដោយ ពលមនសិការ
បន្ទាយមានជ័យ ៖ នៅក្នុងកិច្ចប្រជុំបង្កើតសមាគមន៍ទិញស្រូវតាមមូលដ្ឋាននៅថ្ងៃទី២១ ខែមីនា ឆ្នាំ២០១៨ សាលាស្រុកមង្គលបូរីបានឲ្យដឹងថាក្រុមហ៊ុនបៃតង ទិញស្រូវឆ្នាំ២០១៧-២០១៨នេះ ទិញស្រូវបានជាង១សែនតោន។
ក្នុងកិច្ចប្រជុំសមាជិកក្រុមប្រឹក្សាឃុំដែលតំណាងឱ្យប្រជាពលរដ្ឋបានលើកឡើងថា រយៈពេលកន្លងក្រុមហ៊ុនបៃតង ឬសមាគមន៍ទិញស្រូវកម្ពុជា បានទិញស្រូវប្រជាកសិករ គឺមានកម្រិតដូចជាទិញ ស្រូវប្រភេទសែនក្រអូប, ស្រូវផ្កាម្លិះ, តែស្រូវដទៃទៀតក្រុមហ៊ុនអត់បានទទួលទិញទេ គឺប្រជាកសិករលក់ឱ្យឈ្មួញកណ្តាលទិញហើយតម្លៃឡើងចុះតាមតែមាត់ថា។
ប្រជាកសិករសំណូមពរសុំឱ្យក្រុមហ៊ុនបៃតង ទិញស្រូវដែលមានលោកឧកញ៉ា ភូ ពុយ ជាប្រធានសុំឱ្យជួយទិញស្រូវគ្រប់ប្រភេទដែលប្រជាកសិករខិតខំបង្កបង្កើនផលបាន និងសុំឱ្យតម្លៃស្រូវដែលទិញគឺតម្លៃថេរមិនឡើងចុះ និងតម្លៃជីដែលគ្រោងនិងលក់តាមរយៈសមាគមន៍សុំឱ្យតម្លៃថោកជាងទីផ្សារ និងសេវ៉ាកម្មកម្ចីប្រាក់ឱ្យថោកជាងទីផ្សារទើបជួយកាត់បន្ថោយភាពក្រីក្រជូនប្រជាពលរដ្ឋ។
លោក រ័ត្ន ដាស៊ីណង់ អភិបាលស្រុកមង្គលបូរីបានបញ្ជាក់ថានៅស្រុកមង្គលបូរីមានផ្ទៃដីធ្វើស្រែ៤៨.០០០ហិតាឆ្នាំ២០១៧-២០១៨នេះប្រជាកសិករធ្វើស្រូវប្រាំងបានជាង៣ម៉ឺនហិតា ហើយបង្កបង្កើនផលបាន២ទៅ៣ដង ក្នុង១ឆ្នាំដែលទទួលផលបានក្នុង១ហិតា៤តោនកន្លះ ទៅ៥តោន ហើយស្រូវសែនក្រអូបទិញ១តោនតម្លៃ៩០ម៉ឺន ទៅជាង១លានរៀល និងស្រូវផ្កាម្លិៈ១តោនតម្លៃជាង១លានរៀល។
លោកឧកញ៉ា ភូ ពុយ ប្រធានសមាគន៍ទិញស្រូវអង្កកម្ពុជានិងជាប្រធានក្រុមហ៊ុនប៉ៃតងទិញស្រូវបានបញ្ជាក់ថា នៅឆ្នាំ២០១៧ និង២០១៨នេះក្រុមហ៊ុនប៉ៃតងទិញស្រូវបានប្រមាណជាង១សែនតោនច្រើនជាងឆ្នាំ២០១៦និង២០១៧កន្លងមកដោយក្រុមហ៊ុនមានឡសម្ងួតតែមួយដែលសម្ងួតម្តង២៤ម៉ោង បានត្រឹមតែ៨៥០តោន តែនៅចុងឆ្នាំ២០១៧និងឆ្នាំ២០១៨នេះ ឡសម្ងួតថ្មីបានដំណើរការសម្ងួតម្តង២៤ម៉ោងបាន៣.០០០តោន។
លោកឧកញ៉ាបានបញ្ជាក់ថា ដោយមានការណែនាំពីប្រមុខរាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ក៏ដូចជាមានការណែនាំពីសម្តេចក្រឡាហោម ស ខេង ជំរុញឱ្យសមាគមន៍ទិញស្រូវអង្កកម្ពុជាបានបង្កើសមាគមន៍តាមមូលដ្ឋានដើម្បីរកទីផ្សាស្រូវហើយទិញស្រូវប្រជាកសិករនិងខ្ចីស្រូវពូជ និងជីចងការប្រាក់ក្នុងតម្លៃថោកជាងទីផ្សារដើម្បីជួយដល់ជីវិភាពប្រជាពលរដ្ឋ៕
ចំនួនអ្នកទស្សនា
- ថ្ងៃនេះ5931
- ម្សិលមិញ10851
- សប្តាហ៍នេះ72451
- ខែនេះ187601
- ឆ្នាំនេះ187601
- សរុប20630057