រថយន្ត៣គ្រឿងបុកគ្នា បណ្តាលឲ្យស្លាប់៣នាក់ របួសធ្ងន់ស្រាល ៥នាក់ ស្រុកពញាក្រែក
30-March-2018 | ដោយ ពលមនសិការ
ត្បូងឃ្មុំ ៖ យ៉ាងហោចណាស់មនុស្ស៣នាក់បានស្លាប់ភ្លាមៗនៅហ្នឹងកន្លែងកើតហេតុនិងមនុស្ស៥នាក់ទៀតបានរបួសធ្ងន់ស្រាលក្នុងករណីគ្រោះថ្នាក់ចរាចរណ៍រថយន្តបុកជាមួយរថយន្ត។ ហេតុការណ៍គ្រោះថ្នាក់ខាងលើបានកើតឡើងនៅនៅថ្ងៃសុក្រ ១៤កើត ខែចេត្រ ឆ្នាំរកា ព.ស ២៥៦១ ត្រូវនឹងថ្ងៃទី៣០ ខែមីនា ឆ្នាំ២០១៨ ម៉ោង៦នឹង១៥នាទី លើផ្លូវជាតិលេខ៨ ចំណុចគីឡូម៉ែត្រលេខ១៣៦-១៣៧ ស្ថិតនៅភូមិអូរព្រិច ឃុំកក់ ស្រុកពញាក្រែក ខេត្តត្បូងឃ្មុំ។
សមត្ថកិច្ចបានឲ្យដឹងថាមុនពេលកើតហេតុមានរថយន្ត គ្រឿងម៉ាកសំយ៉ុង ពណ៌ស គ្មានស្លាកលេខ បើកបរដោយឈ្មោះ ណន ម៉ោង ភេទប្រុស អាយុ៤២ឆ្នាំ ជាតិខ្មែរ នៅភូមិស្លា ឃុំទន្លូង ស្រុកមេមត់ ខេត្តត្បូងឃ្មុំ (របួសធ្ងន់) និងអ្នករួមដំណើរចំនួន០២នាក់ ទី១-ឈ្មោះ ពេជ្រ ភារុន ភេទប្រុស អាយុ៣៨ឆ្នាំ (ស្លាប់នៅកន្លែងកើតហេតុ) ទី២-ឈ្មោះ វ៉េត ឌឹក ភេទប្រុស អាយុ២៣ឆ្នាំ ជាតិខ្មែរ (របួសធ្ងន់) ទាំងបីនាក់មានទីលំនៅភូមិ-ឃុំជាមួយគ្នា។
រថយន្តមួយគ្រឿងម៉ាកទីតាន់ ពណ៌ស ពាក់ស្លាកលេខ ភ្នំពេញ 2M-2984 បើកបរដោយឈ្មោះ ឱក លន់ ភេទប្រុស អាយុ៤៤ឆ្នាំ ជាតិខ្មែរ នៅភូមិសេរីសុខា ឃុំក្រែក ស្រុកពញាក្រែក ខេត្តត្បូងឃ្មុំ (របួសធ្ងន់) និងអ្នករួមដំណើរចំនួន០២នាក់ ទី១-ឈ្មោះ សុត សម្បត្តិ ភេទប្រុស អាយុ៣២ឆ្នាំ ជាតិខ្មែរ (របួសស្រាល) ទី២-ឈ្មោះ ឡាញ់ តុល ភេទប្រុស អាយុ២៧ឆ្នាំ ជាតិខ្មែរ (គ្មានរបួស) ទាំងបីនាក់មានទីលំនៅភូមិ-ឃុំជាមួយគ្នា ហើយរថយន្តទីតាន់បានជ្រុលទៅបុករថយន្តម៉ាកសំយ៉ុង ពណ៌លឿង ពាក់ស្លាកលេខ ភ្នំពេញ 2Z-9856 បើកបរដោយឈ្មោះ ឆាយ ចន្ថា ភេទប្រុស អាយុ៣២ឆ្នាំ ជាតិខ្មែរ នៅភូមិព្រៃខ្លា ឃុំព្រៃខ្លា ស្រុកស្វាយអន្ទរ ខេត្តព្រៃវែង (ស្លាប់នៅកន្លែងកើតហេតុ) និងអ្នករួមដំណើរចំនួន០២នាក់ ទី១-ឈ្មោះ ណាក់ រ័ត្ន ភេទប្រុស អាយុ១៨ឆ្នាំ ជាតិខ្មែរ (ស្លាប់នៅកន្លែងកើតហេតុ) ទី២-ឈ្មោះ ឈុំ ឆុន ភេទស្រី អាយុ៣៣ឆ្នាំ ជាតិខ្មែរ (របួសធ្ងន់) ទាំងបីនាក់មានទីលំនៅភូមិ-ឃុំជាមួយគ្នា។ ទិសដៅរថយន្តសាំយ៉ុង ពណ៌ស បើកបរពីក្រែក ទៅព្រៃវែង (ជើង-ត្បូង) ខណៈមកដល់ចំណុចកើតហេតុ បានបុករថយន្តម៉ាកទីតាន់ពីក្រោយដែលកំពុងបើកបរស្របទិសគ្នា ហើយរថយន្តម៉ាកទីតាន់ក៏ជ្រុលទៅបុករថយន្តម៉ាកសាំយ៉ុង ពណ៌លឿង ដែលកំពុងបើកបរបញ្ច្រាសទិសពីព្រៃវែង មកក្រែក (ត្បូង-ជើង)។ ខូចខាតរថយន្តទាំង០៣គ្រឿង កម្រិតធ្ងន់។មូលហេតុ រថយន្តសាំយ៉ុង ពណ៌ស ប្រើប្រាស់ល្បឿនលឿន។
ក្រោយកើតហេតុសមត្ថកិច្ចជំនាញបានវាសវែងយកមធ្យោបាយពាក់ព័ន្ធទាំងបីគ្រឿងយកមករក្សាទុកនៅប៉ុស្តិ៍រដ្ឋបាលកក់ដើម្បីដោះស្រាយតាមផ្លូវច្បាប់ ចំណែកអ្នករបួសបញ្ជូនទៅមន្ទីរពេទ្យ៕
ចំនួនអ្នកទស្សនា
- ថ្ងៃនេះ4681
- ម្សិលមិញ10851
- សប្តាហ៍នេះ71201
- ខែនេះ186351
- ឆ្នាំនេះ186351
- សរុប20628807