ផ្លូវដែកពីប៉ោយប៉ែតមកសិរីសោភ័ណដែលត្រូវបានផ្អាកដំណើរ៤៥ឆ្នាំ ត្រូវបានដំណើរឡើងវិញថ្ងៃទី០៤ ខែមេសា ខាងមុខនេះ
30-March-2018 | ដោយ ពលមនសិការ
បន្ទាយមានជ័យ ៖ ផ្លូវដែកពីប៉ោយប៉ែតមកសិរីសោភ័ណខេត្តបន្ទាយមានជ័យដែលបានផ្អាកដំណើរការអស់រយៈ៤៥ឆ្នាំ ត្រូវបានដំណើរឡើងវិញថ្ងៃទី០៤ ខែមេសា រហូតដល់ថ្ងៃទី៣១ ខែកក្កដា ឆ្នាំ២០១៨ ជិៈដោយឥតគិតថ្លៃ។
លោក លី បូរិន អនុរដ្ឋលេខាធិការក្រសួងសាធារណៈការនិងដឹកជញ្ជូនបានប្រាប់ឲ្យដឹងថ្ងៃទី៣០ ខែមីនា ឆ្នាំ២០១៨ថា ផ្លូវដែកពីក្រុងប៉ោយប៉ែតមកក្រុងសិរីសោភ័ណនឹងត្រូវបើកដំណើរការថ្ងៃទី០៤ ខែមេសា រហូតដល់ថ្ងៃទី៣១ ខែកក្កដា ឆ្នាំ២០១៨ អ្នកដំណើរជិៈដោយឥតគិតថ្លៃ។ ដែលចេញដំណើរពីក្រុងប៉ោយប៉ែតមកក្រុងសិរីសោភ័ណមានម៉ោង០៧ព្រឹក, ម៉ោង១០និង៣០នាទី, ម៉ោង២និង១៥នាទីរសៀល និងចេញពីក្រុងសិរីសោភ័ណមកក្រុងប៉ោយប៉ែតមានម៉ោង៨និង៤០នាទីព្រឹក និងម៉ោង១២និង៤៥នាទីនៅម៉ោង០៤ល្ងាច។
លោកបានបញ្ជាក់ថាផ្លូវដែកនិងដំណើរការឡើងវិញនៅថ្ងៃទី០៤ ខែមេសារហូតដល់ថ្ងៃទី៣១ ខែកក្កដា ឆ្នាំ២០១៨ អ្នកដំណើរជិៈដោយឥតគិតថ្លៃនេះគឺបើកដំណើរការដោយឯកឧ ត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការនិងដឹកជញ្ជូនរួមជាមួយថ្នាក់ដឹកនាំនិងអាជ្ញាធរខេត្តដែលត្រូវបើកដំណើរការពីក្រុងប៉ោយប៉ែតមកដល់ក្រុងសិរីសោភ័ណ។
លោក លី បូរិន បានបញ្ជាក់ថាផ្លូវដែកពីក្រុងប៉ោយប៉ែតទៅរាជធានីភ្នំពេញត្រូវបានផ្អាកដំណើរការពីរដំណាក់កាលដំណាក់កាលទី១ ផ្អាកដំណើរការនៅអំឡុងឆ្នាំ១៩៧៣ ពីក្រុងប៉ោយប៉ែតមកដល់ក្រុងសិរីសោភ័ណត្រូវបានកាត់ផ្តាច់, ដំណាក់កាលទី២ ផ្អាកដំណើរការនៅអំឡុងឆ្នាំ២០០៦ ឬ២០០៧ពីក្រុងសិរីសោភ័ណខេត្តបន្ទាយមានជ័យដល់ខេត្តបាត់ដំបង។
លោកបានបញ្ជាក់ថាក្រោមការដឹកនាំដ៏ឈ្លាសវៃពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រទេសកម្ពុជាមានសុខសន្តិភាពអភិវឌ្ឍន៍និងរីកចម្រើន។ បានកសាងនិងស្តារឡើងវិញផ្លូវដែកកម្ពុជានៅខេត្តទិសពាយ័ព្យ នៃប្រទេសកម្ពុជាមានខេត្តបន្ទាយមានជ័យដែលចាប់ដំណើរការនៅថ្ងៃទី០៤ ខែមេសាសារហូតដល់ថ្ងៃទី៣១ ខែកក្កដា ឆ្នាំ២០១៨ អ្នកដំណើរជិៈដោយឥតគិតថ្លៃ។ ហើយនិងដំណើរការពីក្រុងសិរីសោភ័ណខេត្តបន្ទាយមានជ័យដល់ខេត្តបាត់ដំបងនិងបើកដំណើរការនៅអំឡុងខែមិថុនា ឆ្នាំ២០១៨ហើយនិងចាប់ដំណើរការកម្ពុជាថៃអោយបានឆាប់ផងដែរ៕
ចំនួនអ្នកទស្សនា
- ថ្ងៃនេះ6851
- ម្សិលមិញ10851
- សប្តាហ៍នេះ73371
- ខែនេះ188521
- ឆ្នាំនេះ188521
- សរុប20630977