លោកជំទាវវេជ្ជបណ្ឌិត ឱ វណ្ណឌីន អញ្ជើញចូលរួម ក្នុងពិធីបើកសិក្ខាសាលាបណ្តុះបណ្តាលស្តីពីសុខភាពផ្លូវចិត្ត និងភាពញៀនគ្រឿងញៀន
02-April-2018 | ដោយ ពលមនសិការ
ព្រះវិហារ ៖ នៅថ្ងៃទី០២ ខែមេសា ឆ្នាំ២០១៨ លោកជំទាវវេជ្ជបណ្ឌិត ឱ វណ្ណឌីន អគ្គនាយកបច្ចេកទេសសុខាភិបាល បានអញ្ជើញចូលរួមជាគណអធិបតី ក្នុងពិធីបើកសិក្ខាសាលាបណ្តុះបណ្តាលស្តីពីសុខភាពផ្លូវចិត្ត និងភាពញៀនគ្រឿងញៀន សម្រាប់គ្រូពេទ្យព្យាបាល និងគិលានុបដ្ឋាក «ម៉ូឌុល២» ដែលបានរៀបចំឡើងក្រោមកិច្ចសហការរវាងនាយកដ្ឋានសុខភាពផ្លូវចិត្ត និងការបំពានគ្រឿងញៀន និងមន្ទីរសុខាភិបាលខេត្តព្រះវិហារ។
លោកជំទាវ ឱ វណ្ណឌីនបានមានប្រសាសន៍ថា វិស័យសុខាភិបាលនៅខេត្តព្រះវិហារត្រូវបានទទួលនូវការយកចិត្តទុកដាក់ជាពិសេសពីសំណាក់ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ឯកឧត្តមសាស្ត្រាចារ្យ អេង ហួត រដ្ឋលេខាធិការក្រសួងសុខាភិបាល បានណែនាំឱ្យមន្ទីរសុខាភិបាលខេត្តព្រះវិហារសហការជាមួយនាយកដ្ឋានសុខភាពផ្លូវចិត្ត និងការបំពានគ្រឿងញៀនក្នុងការរៀបចំបណ្តុះបណ្តាលថ្មីជាបន្ទាន់ដើម្បីឆ្លើយតបនឹងតម្រូវការដ៏ចាំបាច់ក្នុងការបើកដំណើរការសេវាពិនិត្យ ព្យាបាល និងថែទាំ ដល់អ្នករងគ្រោះដោយសារការប្រើប្រាស់សារធាតុ ញៀននៅតាមគោលដៅភូមិស «គ្មានគ្រឿងញៀន» ដែលបានបង្កើតឡើងនៅក្នុងភូមិកំពង់ស្រឡៅ១ ភូមិអានសេះ និងភូមិឈើទាលគង ព្រមទាំងមានបំណងប្រែក្លាយភូមិទាំងនេះជាភូមិគំរូគ្មានគ្រឿងញៀនសម្រាប់ពង្រីកបន្តទៅបង្កើតភូមិសនៅភូមិដទៃទៀតជាប់ព្រំដែនកម្ពុជា-ថៃ និងកម្ពុជា-ឡាវ៕
ចំនួនអ្នកទស្សនា
- ថ្ងៃនេះ4121
- ម្សិលមិញ10851
- សប្តាហ៍នេះ70641
- ខែនេះ185791
- ឆ្នាំនេះ185791
- សរុប20628247