រថយន្តដឹកជ្រូក បុករះរថយន្តនិងម៉ូតូជាច្រើនគ្រឿងបណ្តាលឱ្យស្លាប់ម្នាក់និងរបួសធ្ងន់២នាក់ នៅស្រុកបរិបូណ៌
19-April-2018 | ដោយ ពលមនសិការ
កំពង់ឆ្នាំង ៖ យ៉ាងហោចណាស់មនុស្សម្នាក់បានស្លាប់ភ្លាមនៅកន្លែងហ្នឹងកន្លែងកើតហេតុនិង២នាក់ទៀតរងរបួសធ្ងន់ក្នុងករណីគ្រោះថ្នាក់ចរាចរណ៍រថយន្តដឹកជ្រូកបុករះរថយន្តនិងម៉ូតូជាច្រើនគ្រឿង។ ហេតុការណ៍គ្រោះថ្នាក់ខាងលើបានកើតឡើងនៅព្រឹកថ្ងៃទី១៩ ខែមេសា ឆ្នាំ២០១៨ នៅចន្លោះគីឡូម៉ែត្រលេខ១២៣-១២៤ លើផ្លូវជាតិលេខ៥ចំណុចភូមិពន្លៃ ឃុំពន្លៃ ស្រុកបរិបូណ៌។
សមត្ថកិច្ចបានឱ្យដឹងថាមុនពេលកើតហេតុមានរថយន្តមួយគ្រឿងម៉ាក Hyundai ពណ៌ស ពាក់ស្លាកលេខ តាកែវ 3A-0844 បើកបរពីទិសខាងត្បូងទៅទិសខាងជើង លុះមកដល់ចំណុចខាងលើបានបុករះរថយន្ត និងម៉ូតូជាច្រើនគ្រឿងដែលចតនៅតាមជាយផ្លូវផ្នែកខាងកើត។
សមត្ថកិច្ចបានបន្តថាក្នុងហេតុការណ៍ខាងលើបណ្តាលឱ្យស្លាប់ក្មេងប្រុសម្នាក់, របួសធ្ងន់ ២នាក់(ស្រីម្នាក់), ខូចខាតរថយន្ត២គ្រឿង និងខូចម៉ូតូ ៥គ្រឿង (ធ្ងន់០២គ្រឿង)។
ក្រោយពេលកើតហេតុ កម្លាំងជំនាញនៃអធិការដ្ឋាននគរបាលស្រុកបរិបូណ៌ បានចុះធ្វើការវាស់វែង និងឃាត់ខ្លួនអ្នកបើកបរ ព្រមទាំងចាប់យកវត្ថុតាងមករក្សាទុកនៅអធិការដ្ឋាននគរបាលស្រុកបរិបូណ៌ ដើម្បីកសាងសំណុំរឿងតាមនីតិវិធី។ រីឯសពជនរងគ្រោះត្រូវបានក្រុមគ្រួសារយកធ្វើបុណ្យតាមប្រពៃណី៕
ចំនួនអ្នកទស្សនា
- ថ្ងៃនេះ2781
- ម្សិលមិញ10851
- សប្តាហ៍នេះ69301
- ខែនេះ184451
- ឆ្នាំនេះ184451
- សរុប20626907