មនុស្ស៣នាក់របួសធ្ងន់ខណៈបើករថយន្តឆ្លងផ្លូវមិនប្រយ័ត្នត្រូវរថយន្តមួយគ្រឿងទៀតបើកបុក
01-May-2018 | ដោយ ពលមនសិការ
កណ្ដាល ៖ រថយន្តមួយគ្រឿងបើកបត់ឆ្លងផ្លូវមិនប្រយ័ត្ន ត្រូវរថយន្តមួយគ្រឿងទៀតបើកបត់ បណ្ដាលឲ្យមនុស្ស៣នាក់ទទួលរងរបួសធ្ងន់ ។ ករណីគ្រោះថ្នាក់ចរាចរណ៍ខាងលើនេះបានកើតឡើង កាលពីវេលាម៉ោង២១និង៤០នាទី ថ្ងៃទី៣០ ខែមេសា ឆ្នាំ២០១៨ លើកំណាត់ផ្លូវជាតិលេខ៦ ត្រង់ចន្លោះគីឡូមែត្រលេខ២៨-២៩ ស្ថិតក្នុងភូមិឬស្សីជ្រោយ ឃុំឬស្សីជ្រោយ ស្រុកមុខកំពូល ខេត្តកណ្តាល ។
មន្ត្រីនគរបាលចរាចរណ៍ស្រុកមុខកំពូលបានឲ្យដឹងថា ជនរងគ្រោះរបួសធ្ងន់៣នាក់ ទី១-ឈ្មោះ ធី ប៊ុនលី ភេទប្រុសអាយុ២១ឆ្នាំ មានទីលំនៅភូមិព្រែកឯង សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ជាអ្នកបើកបររថយន្តម៉ាកHILUXVIGO ពណ៌ស ពាក់ស្លាកលេខភ្នំពេញ 2AK-8143 ទី២-ឈ្មោះ ធី ម៉េងហ៊ួ ភេទប្រុស អាយុ១៨ឆ្នាំ មានទីលំនៅភូមិព្រែកតាសោម ឃុំឬស្សីគជ្រោយ ស្រុក មុខកំពូល ខេត្តកណ្ដាល (ជាអ្នករួមដំណើរ) និងទី៣-ឈ្មោះ ឃឿននិមិត្ត ភេទប្រុស អាយុ២៣ឆ្នាំ មានទីលំនៅភូមិសាមគ្គី ឃុំព្រែកដំបង ស្រុកមុខកំពូល ខេត្តកណ្ដាល (ជាអ្នករួមដំណើរ) ។ ចំណែកភាគីរថយន្តម្ខាងទៀតម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពង់ចាម3A-6424 បើកដោយជនមិនស្គាល់អត្តសញ្ញាណ រត់គេចខ្លួនបាត់ស្រមោល ។
ប្រភពដដែលបន្តថា នៅមុនពេលកើតហេតុ សាក្សីបានឃើញរថយន្តម៉ាកHILUXVIGO ធ្វើដំណើរតាមផ្លូវជាតិលេខ៦ ក្នុងទិសដៅពីលិចទៅកើត ដោយល្បឿនលឿន លុះជិះមកដល់ចំណុចកើតហេតុ ស្រាប់តែបត់ឆ្លងផ្លូវខណៈនោះ ក៏មានរថយន្តមួយគ្រឿងទៀតម៉ាកហ៊ីយ៉ាន់ដាយ ធ្វើដំណើរពីជើងទៅត្បូង បានបុករថយន្តម៉ាកHILUXVIGOពេញមួយទំហឹង បណ្ដាលឲ្យអ្នកនៅក្នុងរថយន្តម៉ាកHILUXVIGOទទួលរងរបួសធ្ងន់ រីឯរថយន្តវិញខូចខាតយ៉ាងដំណំ ។
ក្រោយពីមានហេតុការណ៍កើតឡើង ជនរងគ្រោះទាំង៣នាក់ត្រូវបានរថយន្តសាមុយដឹកបញ្ជូនទៅសង្គ្រោះនៅមន្ទីរពេទ្យរាជធានីភ្នំពេញ។ ចំពោះរថយន្តទាំង២គ្រឿង ត្រូវបានសមត្ថកិច្ចជំនាញចរាចរណ៍ចុះធ្វើការវាស់វែង និងកសាងឯកសារដកហូតយកទៅរក្សាទុកនៅអធិការដ្ឋាននគរបាលស្រុក ដើម្បីចាត់ការតាមនីតិវិធីច្បាប់ ។
តាមការបញ្ជាក់របស់សមត្ថកិច្ចជំនាញបានបញ្ជាក់ថា គឺបណ្ដាលមកពីអ្នកបើកបររថយន្តម៉ាកHILUXVIGOបើកបរខ្វះការប្រយ័ត្ន មុនបត់ឆ្លងផ្លូវ ទើបបណ្ដាលឲ្យរថយន្តហ៊ីយ៉ាន់ដាយបុកយ៉ាងដូច្នេះ ៕
ចំនួនអ្នកទស្សនា
- ថ្ងៃនេះ1231
- ម្សិលមិញ10851
- សប្តាហ៍នេះ67751
- ខែនេះ182901
- ឆ្នាំនេះ182901
- សរុប20625357