កម្លាំងប៉ុស្តិ៍រដ្ឋបាលអូរបែកក្អម បានឃាត់ខ្លួនជនសង្ស័យម្នាក់ ពាក់ព័ន្ធករណីលួច(លួចយកទូរស័ព្ទដៃ)
03-May-2018 | ដោយ ពលមនសិការ
ភ្នំពេញ ៖ កម្លាំងប៉ុស្តិ៍រដ្ឋបាលអូរបែកក្អម បានឃាត់ខ្លួនជនសង្ស័យម្នាក់ ពាក់ព័ន្ធករណីលួច(លួចយកទូរស័ព្ទដៃ) កាលពីថ្ងៃទី០២ ខែឧសភា ឆ្នាំ២០១៨ វេលាម៉ោង១៥និង៣០នាទី នៅចំណុចក្នុងបន្ទប់ជួល ផ្លូវបេតុង ភូមិត្រពាំងឈូក សង្កាត់អូរបែកក្អម ខណ្ឌសែនសុខ។
លោកវរសេនីយ៍ឯក ហួរ ម៉េងវ៉ាង អធិការខណ្ឌបានឲ្យដឹងថាជនសង្ស័យឈ្មោះ សៅ តុលា ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់បន្ទប់ជួល ភូមិបូរីកម្មករ សង្កាត់ទឹកថ្លា ខណ្ឌសែនសុខ (មានសារធាតុញៀន)។ ជនរងគ្រោះ ឈ្មោះ ហួន សុខឡែន ភេទស្រី អាយុ២៥ឆ្នាំ មុខរបរកម្មកររោងចក្រ ស្នាក់នៅបន្ទប់ជួល ផ្លូវបេតុង ភូមិត្រពាំងឈូក សង្កាត់អូរបែកក្អម ខណ្ឌសែនសុខ។
សម្ភារៈបន្សល់ទុក ៖ ម៉ូតូចំនួនមួយគ្រឿង ម៉ាកDIOពណ៌ខ្មៅ គ្មានស្លាកលេខ (របស់ជនសង្ស័យ) , ដែកលួចកែច្នៃចំនួន០១ , និងទូរសព្ទ័ដៃចំនួន០១គ្រឿង ម៉ាកTruelife លោកអធិការខណ្ឌបន្តថា មុនពេលកើតហេតុ ជនរងគ្រោះចេញពីធ្វើការមកបន្ទប់ជួលរបស់ខ្លួន បានឃើញជនសង្ស័យម្នាក់ ដើរចូលក្នុងបន្ទប់ជួលរបស់ខ្លួន ភ្លាមនោះជនរងគ្រោះបានស្រែកថាចោរៗ រួចត្រូវបានប្រជាពលរដ្ឋនៅជិតកន្លែងកើតហេតុខាងលើនាំគ្នាដេញចាប់បានជនសង្ស័យ ប្រគល់ឲ្យសមត្ថកិច្ចប៉ុស្តិ៍រដ្ឋបាលអូរបែកក្អមធ្វើការសាកសួរ រួចជនរងគ្រោះដាក់ពាក់បណ្តឹងចោទប្រកាន់ជនសង្ស័យតែម្តង ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ1301
- ម្សិលមិញ10851
- សប្តាហ៍នេះ67821
- ខែនេះ182971
- ឆ្នាំនេះ182971
- សរុប20625427