ឆ្ងាញ់ណាស់ប្រពន្ធគេ! បុរសម្នាក់ត្រូវនគរបាលខណ្ឌដង្កោចាប់ខ្លួនពាក់ព័ន្ធករណីរំលោភសេពសន្ថវៈប្រពន្ធគេ
04-May-2018 | ដោយ ពលមនសិការ
ភ្នំពេញ៖បុរសម្នាក់ត្រូវបានកម្លាំងនគរបាលខណ្ឌដង្កោឃាត់ខ្លួនពាក់ព័ន្ធករណីរំលោភសេពសន្ថវៈកាលពីថ្ងៃទី០២ ខែឧសភា ឆ្នាំ២០១៨ វេលាម៉ោង០០និង៣០នាទី ត្រង់ចំណុចផ្ទះសំណាក់មិនស្គាល់ឈ្មោះ ក្រុងតាខ្មៅ ខេត្តកណ្តាល។
ជនសង្ស័យពាក់ព័ន្ធករណីរំលោភសេពសន្ថវៈខាងលើត្រូវនគរបាលឃាត់ខ្លួនកាលពីថ្ងៃទី០៣ ខែឧសភា ឆ្នាំ២០១៨ វេលាម៉ោង១២និង១០នាទី។
លោកវរសេនីយ៍ទោ ឈឹម ប៊ុនរ័ត្ន អធិការស្តីទីខណ្ឌដង្កោបានឲ្យដឹងថាជនសង្ស័យឈ្មោះ ហេង ហួត ហៅម៉ាំង ភេទប្រុស អាយុ២៩ឆ្នាំ ជនជាតិខ្មែរ មុខរបរបើករថយន្តដឹកអ៊ីវ៉ាន់រោងចក្រ មានទីលំនៅភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ ត្រង់ចំណុចទីលំនៅរបស់ជនសង្ស័យ ។ ចំណែកជនរងគ្រោះឈ្មោះ ក ស អ អាយុ២៩ឆ្នាំ ជនជាតិខ្មែរ មុខរបរកម្មការិនីរោងចក្រ មានទីលំនៅភូមិក្រាំងក្រួច សង្កាត់ទៀន ខណ្ឌដង្កោ រាជធានីភ្នំពេញ។
លោកអធិការស្តីទីបន្តថា កាលពីថ្ងៃទីមិនចាំ ខែកក្កដា ឆ្នាំ២០១៧ វេលាម៉ោង១៦និង១០នាទី ជនរងគ្រោះ កំពុងតែនៅផ្ទះម្តាយក្មេកស្ថិតនៅភូមិព្រៃសលិច សង្កាត់ព្រៃស ខណ្ឌដង្កោ រាជធានីភ្នំពេញ។ ពេលនោះឈ្មោះ ហេង សុខហួយ ភេទស្រី អាយុ២៤ឆ្នាំ (ត្រូវជាប្អូនស្រីបង្កើតរបស់ ជនសង្ស័យនិងត្រូវជាមិត្តភក្តិរបស់ជនរងគ្រោះ) បានទូរស័ព្ទហៅជនរងគ្រោះឲ្យទៅផឹកស៊ីនៅផ្ទះ របស់ជនសង្ស័យឈ្មោះ ហេង ហួត ស្ថិតនៅភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ។
ហើយជនរងគ្រោះក៏បានជិះម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៦ មិនចាំស្លាកលេខ និងលេខតួ លេខម៉ាស៊ីន ឌុបកូនប្រុស អាយុ០៩ឆ្នាំម្នាក់ ទៅផ្ទះរបស់ជនសង្ស័យខាងលើ រួចបានផឹកស៊ីមានគ្នាចំនួន០៥នាក់រួមានទី១-ឈ្មោះ ហេង សុខហួយ (ប្អូនស្រីជនសង្ស័យ), ទី២-ឈ្មោះ ឆេង គឹមសាន់ ភេទប្រុស អាយុ៣០ឆ្នាំ, ទី៣-ជនសង្ស័យ, ទី៤-ឈ្មោះ ភុំ ណីម ភេទស្រី អាយុ៣៤ឆ្នាំ (ប្រពន្ធរបស់ជនសង្ស័យ) នឹងទី៥-ជនរងគ្រោះ រហូតដល់វេលាម៉ោង ១៩និង១០នាទី ជនរងគ្រោះលាសុំទៅផ្ទះ តែជនសង្ស័យ និងអ្នកផឹកស៊ីខាងលើ បានឃាត់មិនឲ្យទៅទេ ថែមទាំងបានលួចដក ក្បាលប៊ូស៊ី ម៉ូតូរបស់ជនរងគ្រោះយកលាក់ទុកបាត់។ បន្ទាប់មកនៅវេលាម៉ោង២០និង០៥នាទីថ្ងៃខែឆ្នាំដដែល ឈ្មោះ ហេង សុខហួយ បានបបួលជនរងគ្រោះទៅច្រៀងខារ៉ាអូខេ តែជនរងគ្រោះប្រកែកមិនព្រមទៅទេ។ ហើយឈ្មោះ ហេង សុខហួយ និងជនសង្ស័យបាននិយាយលួងលោមជនរងគ្រោះ ឲ្យទៅជាមួយ ដោយនិយាយថា ទៅច្រៀងលក្ខណៈ គ្រួសារ ទើបជនរងគ្រោះព្រមទៅគ្នា០៤នាក់រួមមានទី១-ឈ្មោះ ឆេង គឹមសាន់, ទី២-ឈ្មោះ ហេង សុខហួយ, ទី៣-ជនសង្ស័យ នឹងទី៤-ជនរងគ្រោះ ចូលខារ៉ាអូខេឈ្មោះ រ៉ូមែនទិក ខេធីវី ហ្វាមីលី ស្ថិតនៅភូមិសង្កាត់បឹងសាឡាង ខណ្ឌទួលគោក រាជធានីភ្នំពេញ។
រហូតដល់វេលាម៉ោង០១និង៣០នាទី ឈានចូលថ្ងៃទីមិនចាំ (ថ្ងៃបន្ទាប់) ខែកក្កដា ឆ្នាំ២០១៧ ក៏នាំគ្នាឈប់ច្រៀង ឈ្មោះ ហេង សុខហួយ និងឈ្មោះ ឆេង គឹមសាន់ បានជិះម៉ូតូ មួយគ្រឿងមិនស្គាល់ម៉ាក ចំណែកជនសង្ស័យបានជិះម៉ូតូមួយគ្រឿង ម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៥ មិនចាំស្លាកលេខ និងលេខតួ លេខម៉ាស៊ីន ឌុបជនរងគ្រោះ ។ ហើយជនរងគ្រោះមានសភាពស្រវឹងស្រាខ្លាំង ទើបជនសង្ស័យបានបើកម៉ូតូឌុបជនរងគ្រោះទៅចូលផ្ទះ សំណាក់ ម្តុំសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ពេលចូលទៅដល់ក្នុងបន្ទប់ផ្ទះសំណាក់ ជនសង្ស័យបានដោះអាវ រួចឡើង ពោបពីលើជនរងគ្រោះ ឃើញដូចនេះជនរងគ្រោះក៏បាននិយាយថា កុំធ្វើអញ្ចឹងយើងជាមិត្តភក្តិនឹងគ្នា រួចជនសង្ស័យក៏បាននិយាយគម្រាមថា នៅឲ្យស្ងៀម បើហ៊ានស្រែករូបគេ (ជនសង្ស័យ) នឹងច្របាច់កឲ្យស្លាប់ ហើយជនរងគ្រោះមិនហ៊ានរើបម្រះ ក៏បានឲ្យជនសង្ស័យធ្វើសកម្មភាពរំលោភសេពសន្ថវៈ តែមិនដឹងថាបានសម្រេច ឬមិនបានសម្រេចនោះទេ ព្រោះជនរងគ្រោះស្រវឹងស្រាខ្លាំងលែងដឹងខ្លួន។
លុះដល់វេលា ម៉ោង០៦និង៣០នាទីព្រឹក ជនរងគ្រោះឡើងភ្ញាក់ដឹងខ្លួន មានសភាពអាក្រាតកាយ រួចជនរងគ្រោះស្លៀកពាក់ ខោអាវហើយជនសង្ស័យក៏បានឌុប ជនរងគ្រោះទៅដាក់នៅម្តុំផ្លូវបំបែកព្រៃស ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ហើយ ឈ្មោះ ហេង សុខហួយ ក៏បានឌុបជនរងគ្រោះត្រឡប់ទៅផ្ទះរបស់ជនសង្ស័យខាងលើ រួចជនសង្ស័យក៏បាន ទូរស័ព្ទប្រាប់ឈ្មោះ ហេង សុខហួយ ថា ក្បាលប៊ូស៊ីនៅលើពូក របស់គេ(ជនសង្ស័យ) ទើបជនរងគ្រោះបានយក ក្បាលប៊ូស៊ីដាក់ម៉ូតូបញ្ឆេះឌុបកូនត្រឡប់ទៅផ្ទះវិញ ហើយមិន ហ៊ានប្រាប់រឿងរ៉ាវខាងលើដល់ឈ្មោះ ជា ចាន់រដ្ឋ ភេទប្រុស អាយុ២៨ឆ្នាំ (ត្រូវជាប្តីរបស់ជនរងគ្រោះ) ឲ្យបានដឹងទេព្រោះខ្លាចប្តីរករឿងលែងលះគ្នា។
ក្រោយមកជនសង្ស័យបានលួង លោមជនរងគ្រោះបង្ខំរួមភេទ ជាមួយ ដោយនិយាយគម្រាមថា បើមិនព្រមទៅដេកជាមួយរូបគេ (ជនសងសង្ស័យ) នឹងនិយាយរឿងហេតុ ខាងលើឲ្យប្តី និងអ្នកផ្សេងបានដឹង ទើបជនរងគ្រោះព្រមទៅរួមភេទ ជាមួយជនសង្ស័យបានសម្រេច ជាបន្ត បន្ទាប់ចំនួន០៣លើកថែមទៀត ហើយនៅថ្ងៃទី០២ ខែឧសភា ឆ្នាំ២០១៨ វេលាម៉ោង០០និង៣០នាទី ជនសង្ស័យ បាននិយាយលួយលោម និងគម្រាមជនរងគ្រោះឌុបយកទៅដេកនៅផ្ទះសំណាក់មិនស្គាល់ឈ្មោះ ក្រុងតាខ្មៅ ខេត្តកណ្តាល រួមភេទបានសម្រេច មួយលើកទៀត ទើបជនរងគ្រោះនិយាយរឿងហេតុខាងលើ ប្រាប់ប្តីឲ្យបានដឹង រួចមកប្តឹងសមត្ថកិច្ចនគរ បាលខណ្ឌដង្កោ ឲ្យជួយអន្តរាគមន៍ឃាត់ខ្លួនជនសង្ស័យ ខាងលើ បាននៅថ្ងៃទី០៣ ខែឧសភា ឆ្នាំ២០១៨ វេលាម៉ោង១២ និង៣០នាទី ត្រង់ចំណុចផ្ទះជនសង្ស័យ ស្ថិតនៅភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ យកមកធ្វើការសាកសួរ និងចាត់ការតាមផ្លូវ ច្បាប់តែម្តង ។
បច្ចុប្បន្នជនសងសង្ស័យខាងលើកំពុងឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌដង្កោរាជធានីភ្នំពេញដើម្បីកសាសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធីច្បាប់៕
ចំនួនអ្នកទស្សនា
- ថ្ងៃនេះ1641
- ម្សិលមិញ10851
- សប្តាហ៍នេះ68161
- ខែនេះ183311
- ឆ្នាំនេះ183311
- សរុប20625767