រថយន្តបុកបុរសជាអ្នកថ្មើរជើងម្នាក់ស្លាប់ភ្លាមៗនៅកន្លែងកើតហេតុខណៈដែលដើរមិនប្រយ័ត្ន
08-May-2018 | ដោយ ពលមនសិការ
កណ្ដាល ៖ បុរសជាអ្នកថ្មើរជើងនិងមានសតិមិនគ្រប់ម្នាក់ស្លាប់យ៉ាងអណោចអធ័ម ខណៈដើរតាមផ្លូវត្រូវរថយន្តបើកដោយល្បឿនលឿនឈប់មិនទាន់បានបុកពេញមួយទំហឹង នៅវេលាម៉ោង៤និង២៥នាទីទាបភ្លឺ ថ្ងៃទី៨ ខែឧសភា ឆ្នាំ២០១៨ លើកំណាត់ផ្លូវជាតិលេខ៥ ចន្លោះគីឡូម៉ែត្រ២២-២៣ ស្ថិតក្នុងភូមិព្រែកក្ដី ឃុំព្រែកតាទែន ស្រុកពញាឮ ខេត្តកណ្ដាល។
មន្ត្រីនគរបាលចរាចរណ៍ស្រុកពញាឮបានឲ្យដឹងថា ជនរងគ្រោះស្លាប់ពុំស្គាល់អត្តសញ្ញាណ ជាមនុស្សមានសតិមិនគ្រប់។ ចំណែករថយន្តមិនស្គាល់ម៉ាក បើកបរដោយជនមិនស្គាល់អត្តសញ្ញាណ បើករថយន្តរត់គេចខ្លួនក្រោយពីមានហេតុការណ៍កើតឡើង ។
ប្រភពដដែលបន្តថា នៅមុនពេលកើតហេតុសាក្សីបានឃើញជនរងគ្រោះជាអ្នកថ្មើរជើងដើរតាមបណ្ដោយផ្លូវដោយដើររេនិងច្រង៉េងច្រង៉ាង ពុំមានសណ្ដាប់ធ្នាប់នោះទេ លុះដើរមកដល់ចំណុចកើតហេតុក៏មានរថយន្តមួយគ្រឿងមិនស្គាល់ម៉ាក បើកដោយល្បឿនលឿន បានបុកជនរងគ្រោះពេញមួយទំហឹង បណ្ដាលឲ្យស្លាប់ភ្លាមៗនៅកន្លែងកើតហេតុ រីឯរថយន្តក្រោយពីបុករួច បានបើករត់គេចខ្លួនបាត់ស្រមោល ។
ក្រោយពីមានហេតការណ៍កើតឡើង សមត្ថកិច្ចជំនាញបានចុះមកកន្លែងកើតហេតុ រួចធ្វើការវាស់វែងនិងកសាងឯកសារ ស្រាវជ្រាវស្វែងរកសាច់ញាតិដើម្បីយកទៅធ្វើបុណ្យតាមប្រពៃណី ៕ដោយៈគង់ សុងហៃ
ចំនួនអ្នកទស្សនា
- ថ្ងៃនេះ391
- ម្សិលមិញ10851
- សប្តាហ៍នេះ66911
- ខែនេះ182061
- ឆ្នាំនេះ182061
- សរុប20624517