សមត្ថកិច្ចជំនាញខេត្ត បញ្ជាក់ថាករណីក្មេងស្រីដែលស្លាប់កាលពីថ្ងៃមុន បណ្តាលមកពីអំពើហិង្សាលើរូបរាងកាយនិងការរំលោភបំពានផ្លូវភេទ
10-May-2018 | ដោយ ពលមនសិការ
ប៉ៃលិន ៖ យោងតាមការធ្វើកោសល្យវិច្ច័យរបស់សមត្ថកិច្ចជំនាញ និងមន្ត្រីជំនាញរបស់មន្ទីរសុខាភិបាលខេត្តប៉ៃលិនបានធ្វើសេចក្តីសន្និដ្ឋាន និងបញ្ជាក់ថាករណីក្មេងស្រី ដែល បានស្លាប់កាលពីថ្ងៃទី០៦ ខែឧសភា ឆ្នាំ២០១៨ នៅ ចំណុចខាងក្រោយផ្សារក្រោម ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ក្មេងស្រីរងគ្រោះឈ្មោះ ដារ៉ា រស្មី អាយុ ០៤ឆ្នាំ មានឪពុកឈ្មោះ ឃួន ដារ៉ា អាយុ ២៩ឆ្នាំ (ជាឪពុកចុង) មុខរបរបុគ្គលិកកាស៊ីណូ និងម្ដាយឈ្មោះ ឈុន ស្រី ចាន់ អាយុ ២១ឆ្នាំ មុខរបរបុគ្គលិកកាស៊ីណូ មានទីលំនៅក្នុងភូមិឃុំកើតហេតុខាងលើ។
យោងតាមការធ្វើកោសល្យវិច្ច័យរបស់សមត្ថកិច្ចជំនាញ និងមន្ត្រីជំនាញរបស់មន្ទីរសុខាភិបាលខេត្តប៉ៃលិនបានធ្វើសេចក្តីសន្និដ្ឋាន បានឱ្យដឹងថា ក្មេងស្រីរងគ្រោះបានទទួលរងនូវការប្រើអំពើហិង្សាលើរូបរាងកាយនិងការរំលោភបំពានផ្លូវភេទមានសភាពរួមមានៈ ពោះហើមជាំ, គល់ភ្លៅជាំ, ចង្កេះ ហើម, គូថ មានឈាម និងដាច់រហែកធំ (លូកម្រាមដៃពីរធំចូល), ថ្ងាស ហើមជាំ នឹងប្រដាប់ភេទៈ ថ្ងាសជាំហើម, បបូរតូច ហើម ជាំ, រន្ធព្រហ្មចារី រហែក, សន្ទះព្រហ្មចារីរហែក, សិរជាំ, គល់ភ្លៅជាំ, រន្ធគូថ ឈាមដាច់រហែកធំ (លូកម្រាមដៃពីរធំចូល), ស្បែកជុំវិញរន្ធគូថដាច់។
ហេតុដូច្នេះទើបធ្វើឱ្យកេ្មងស្រីរងគ្រោះទទួលរងនូវការឈឺចុកចាប់ពេញខ្លួនប្រាណ និងគ្រាំគ្រា រហូតដល់បាត់បង់ ជីវិតតែម្តង។ ដោយឡែកចំពោះករណីឱសថដែលជន សង្ស័យ (ឪពុកចុង) បានបញ្ច្រកនោះ វាពុំមានប្រតិកម្ម និងបង្ករការគ្រោះថ្នាក់ដល់អាយុជីវិតនោះឡើយ ពោលគឺជនសង្ស័យបានព្យាយាមចង់បង្វែងដាន និងបំភ្លៃការពិត នៃបទល្មើសតែប៉ុណ្ណោះ។
តាមការសន្និដ្ឋានជាបឋមរបស់ក្រុមការងារជំនាញ ក្មេងស្រីរងគ្រោះមិនមែនស្លាប់ដោយសារ ប្រតិកម្មថ្នាំដូចដែលជនសង្ស័យបានអះអាង នោះទេ ពោលគឺស្លាប់ដោយករណីការប្រើអំពើហិង្សាលើរូបរាងកាយ និងការរំលោភបំពានផ្លូវភេទ។
បច្ចុប្បន្នសមត្ថកិច្ចជំនាញកំពុងកសាងសំណុំរឿង និងបញ្ជូនជនសង្ស័យទៅអយ្យការអមសាលាដំបូងខេត្តដើម្បីចាត់ការតាមនិតិវិធី ៕
ចំនួនអ្នកទស្សនា
- ថ្ងៃនេះ491
- ម្សិលមិញ10851
- សប្តាហ៍នេះ67011
- ខែនេះ182161
- ឆ្នាំនេះ182161
- សរុប20624617