កម្លាំងប៉ុស្តិ៍នគរបាលរដ្ឋបាលគោកឃ្លាង បានឃាត់ខ្លួនជនសង្ស័យ ២នាក់ ករណីប្រើប្រាស់គ្រឿងញៀន
16-May-2018 | ដោយ ពលមនសិការ
ភ្នំពេញ ៖ កម្លាំងប៉ុស្តិ៍នគរបាលរដ្ឋបាលគោកឃ្លាង បានឃាត់ខ្លួនជនសង្ស័យ ០២នាក់ ករណីប្រើប្រាស់គ្រឿងញៀន កាលពីថ្ងៃទី១៥ ខែឧសភា ឆ្នាំ២០១៨ វេលាម៉ោង ១០នឹង០៥នាទី នៅចំណុចក្នុងបរិវេណវត្តសំរោងអណ្តែត ផ្លូវបេតុង ភូមរោងចក្រ សង្កាត់គោកឃ្លាង ខណ្ឌសែនសុខ។
លោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខបានឱ្យដឹងថាជនសង្ស័យ ០២នាក់ រួមមាន៖ទី១-ឈ្មោះ ចាន់ កុសល ហៅពេទ្យ ភេទប្រុស អាយុ ១៨ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិបន្លាស្អិត សង្កាត់ឃ្មួញ ខណ្ឌសែនសុខ (មានសារធាតុញៀន) នឹងទី២-ឈ្មោះ សែម វណ្ណី ហៅ យុទ្ឋ ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិបន្លាស្អិត សង្កាត់ឃ្មួញ ខណ្ឌសែនសុខ ( មានសារធាតុញៀន)។
លោកអធិការខណ្ឌបន្តថា មុនពេលឃាត់ខ្លួនជនសង្ស័យខាងលើ កម្លាំងល្បាតប៉ុស្តិ៍នគរបាលរដ្ឋបាលគោកឃ្លាងបាន ល្បាតដល់ចំណុចខាងលើ ឃើញជនសង្ស័យ០២នាក់ មានការសង្ស័យក៏ឃាត់នាំខ្លួនមកសួរនាំ នឹងធ្វើតេសទឹកនោមស្វែងរកសារធាតុញៀននៅអធិការដ្ឋាននគរបាលខណ្ឌសែនសុខ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែសុខ ដើម្បីអនុវត្តតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ10191
- ម្សិលមិញ9421
- សប្តាហ៍នេះ65851
- ខែនេះ181001
- ឆ្នាំនេះ181001
- សរុប20623457