កំពត​ ៖​ មុខសញ្ញា​ឆក់​យ៉ាង​សកម្ម​នៅ​ក្នុង​រាជធានី​ភ្នំពេញ​ រត់គេច​ខ្លួន​ទៅ​ខេត្តកំពត​-​កែប​ ត្រូវ​បាន​កម្លាំង​ផែន​នគរបាល​ព្រហ្មទណ្ឌ​ខេត្តកំពត​ សហការ​ជាមួយ​សមត្ថកិច្ច​ព្រហ្មទណ្ឌ​រាជធានី​ភ្នំពេញ​ ឃាត់ខ្លួន​ នៅ​រសៀល​ថ្ងៃ​ទី​១៧​ ខែឧសភា​ ឆ្នាំ​២០១៨​ នៅ​ចំណុច​ឆ្នេរ​ (​កន្លែង​លេង​ទឹក​)​។​

លោក​ឧត្តមសេនីយ៍ទោ​ ម៉ៅ​ ច័ន្ទ​មធុ​រិ​ន្ទ​ ស្នងការ​ខេត្តកំពត​បានឱ្យ​ដឹង​ថា​ជនសង្ស័យ​ទាំង​៥​នាក់​រួម​មាន​ទី​១-​ឈ្មោះ​ ឆេ​ង​ មាន​រាជ្យ​ ភេទ​ប្រុស​ អាយុ​ ១៧​ ឆ្នាំ​,​ ទី​២-​ឈ្មោះ​ សុខ​ ហេង​ ភេទ​ប្រុស​ អាយុ​ ១៧​ឆ្នាំ​ (​អ្នក​ទាំង​ពីរ​មក​ពី​ភូមិ​បឹង​ព្រលឹត​ សង្កាត់​ព្រែក​ប្រា​ ខណ្ឌមានជ័យ​),​ ទី​៣-​ឈ្មោះ​ កែវ​ សុ​ជាតិ​ ភេទ​ប្រុស​ អាយុ​ ១៧​ ឆ្នាំ​ មក​ពី​ភូមិ​៦​ សង្កាត់​ទន្លេបាសាក់​ ខណ្ឌចំការមន​,​ ទី​៤-​ឈ្មោះ​ ស​ សុខា​ (​ហៅ​វី​)​ ភេទ​ប្រុស​ អាយុ​ ១៧​ឆ្នាំ​ មក​ពី​ភូមិ​អូរ​បែក​ក្អម​ សង្កាត់​បឹង​សាឡា​ង​ ខណ្ឌ​ពោធិ​សែន​ជ័យ​ នឹង​ទី​៥-​ឈ្មោះ​ តាន់​ ប្រាក់​ស្រី​និ​ច​ ភេទ​ស្រី​ អាយុ​ ១៦​ ឆ្នាំ​ មក​ពី​ភូមិ​អូរ​បែក​ក្អម​ សង្កាត់​បឹង​សាឡា​ង​ ខណ្ឌ​ពោធិ​សែន​ជ័យ​។​

បច្ចុប្បន្ន​ជនសង្ស័យ​កម្លាំង​ជំនាញ​ខេត្ត​កំពុង​រៀបចំ​ឯក​ប្រគល់​ទៅ​ឱ្យ​សមត្ថកិច្ច​ព្រហ្មទណ្ឌ​រាជធានី​ យក​ទៅ​ចាត់ការ​តាម​នីតិវិធី​ច្បាប់​ ៕

​