មុខសញ្ញាលួចម៉ូតូ២នាក់ ត្រូវនគរបាលឃាត់ខ្លួននៅស្រុកទ្រាំង
23-May-2018 | ដោយ ពលមនសិការ
តាកែវ ៖ ជនសង្ស័យ២នាក់ត្រូវកម្លាំងនគរបាលខេត្តតាកែវឃាត់ខ្លួនពាក់ព័ន្ធករណីលួចម៉ូតូ។ ប្រតិបត្តិការស្រាវជ្រាវស្វែងរកចាប់ខ្លួនជនសង្ស័យខាងលើបានធ្វើឡើងកាលពីថ្ងៃទី២២ ខែឧសភា ឆ្នាំ២០១៨ វេលាម៉ោង១៩ និង០៥នាទី នៅចំណុចផ្សារណាត់ ស្ថិតក្នុងភូមិ១ សង្កាត់រកាក្នុង ក្រុងដូនកែវ ខេត្តតាកែវ។
ជនសង្ស័យបានធ្វើសកម្មភាពលួចយកម៉ូតូមួយគ្រឿង ម៉ាកZOOMER X ពណ៌ស ផលិតឆ្នាំ២០១៧ ពាក់ស្លាកលេខភ្នំពេញ 1GI-6200 ជាកម្មសិទ្ធរបស់ឈ្មោះ កែវ រស្មី ភេទប្រុស អាយុ៥០ឆ្នាំ មុខរបរអាជីវករ មានទីលំនៅភូមិចក សង្កាត់រកាក្នុង ក្រុងដូនកែវ ខេត្តតាកែវ ខណៈពេល ម្ចាស់ម៉ូតូ បានជិះម៉ូតូទៅបញ្ឈរទុកនៅក្បែរផ្សារ ហើយបានដើរចូលទៅក្នងផ្សារទិញបន្លែ ដោយទុកកូនសោរនៅជាប់នឹងម៉ូតូ។
ក្រោយពីទទួលបានព័ត៌មានភ្លាមលោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បានបញ្ជាដល់កម្លាំងអន្តរាគមន៍(ក្រុមតោ)និងកម្លាំងជំនាញ របស់ស្នងការដ្ឋាន សហការជាមួយកម្លាំងអធិការដ្ឋាននគរបាលក្រុងដូនកែវ និងស្រុកទ្រាំងចេញអន្តរាគមន៍ដេញតាម ពួនស្ទាក់គ្រប់ច្រកល្ហក រហូតដល់វេលាម៉ោង២៣និង១០នាទីថ្ងៃខែ ឆ្នាំដដែល ទើបសមត្ថកិច្ច បានឃាត់ខ្លួនជនសង្ស័យ នៅចំនុច ភូមិក្បាលពោធិ ឃុំសំបួរ ស្រុកទ្រាំង ខត្តតាកែវ បានចំនួន ០២នាក់។
លោកឧត្តមសេនីយ៍ទោ សុខ សំណាង ស្នងការខេត្តតាកែវបានឱ្យដឹងថាជនសង្ស័យទី១-ឈ្មោះ ឈៀងពិសិដ្ឋ ភេទប្រុស អាយុ២០ឆ្នាំ មុខរបរមិនពិតប្រាកដ មានទីលំនៅបច្ចុប្បន្នភូមិអូរឌឹម សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ទី២-ឈ្មោះ ប្រាក់ ធីតា ភេទស្រី អាយុ២១ឆ្នាំ ស្នាក់នៅភូមិទួលពង្រ សង្កាត់ទួលពង្រ ខណ្ឌដង្កោ រាជធានីភ្នំពេញ។
វត្ថុតាងដកហូតៈ ម៉ូតូ០២គ្រឿង ១-ម៉ូតូម៉ាកZOOMER មានភិនភាគដូចខាងលើ ជនសង្ស័យបានសារភាពថាខ្លួនបានលួចយកពីកន្លែងកើតហេតុពិតប្រាកដមែន ២-ម៉ូតូម៉ាកគុបជ្រុង ពណ៌ទឹកប៊ិច ពាក់ស្លាកលេខ ភ.ព1.8636 ជារបស់ជនសង្ស័យ ជិះធ្វើសកម្មភាពបទល្មើស។
បច្ចុប្បន្ន ដោយមានការអនុញ្ញាត ពីលោកព្រះរាជ្ញអាជ្ញាអមសាលាដំបូងខេត្ត កម្លាំងជំនាញការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត បានប្រគល់ម៉ូតូជូនម្ចាស់ដើមវិញ រីឯជនសង្ស័យកម្លាំងជំនាញកំពុងកសាងសំណុំរឿងតាមនីតិវិធីបញ្ជូនទៅសាលាដំបូងខេត្ត ៕
ចំនួនអ្នកទស្សនា
- ថ្ងៃនេះ8581
- ម្សិលមិញ9421
- សប្តាហ៍នេះ64241
- ខែនេះ179391
- ឆ្នាំនេះ179391
- សរុប20621847